Ku janë teasers për Season 11 në Fortnite?

Fortnite Battle Royale është në prag të hyrjes në Season 11 dhe update-i i ardhshëm i lojës është shumë pranë lançimit. Gjithsesi lojtarët kanë vërejtur diçka të pazakontë këtë sezon, ka patur një mungesë serioze të teasers.

Ata që janë të dedikuar ndaj lojës e dinë që zhvilluesit gjithmonë kanë postuar një seri imazhesh që jepnin të dhëna për sezonin e ardhshëm në prag të mbylljes së një sezoni. Gjithsesi, përgjatë Season 10 gjithçka që dimë është që do të përfshihet një raketë në eventin final, por nuk kemi ende asnjë lloj fotoje ose ideje të qartë për të ardhmen e lojtarëve të Fortnite.

Thashethemet mes dataminers dhe fansave sugjerojnë se mund të kemi të bëjmë me një ndryshim total të hartës në Season 11. Kjo gjë nuk ka ndodhur kurrë më parë në lojë, por një pjesë e bazës së lojtarëve ka kohë që e ka bërë si kërkesë.

The Visitor ka lënë kaseta misterioze në hartë tani nga fundi dhe kjo mund të shërbejë si një lloj e dhëne mbi diçkaje të re rreth Fortnite. Gjithsesi ato nuk janë të lidhura fare me projektin në Dusty Depot, ndaj lojtarët sërish nuk janë fort të qartë se çfarë duhet të mendojnë.

Në sezonet e mëparëshme, ka qenë si traditë që postoheshin katër teasers në adresën e Fortnite në Twitter, duke zbuluar disa të dhëna mbi atë që i priste lojtarët në ndërrimin e sezoneve. Duket se këtë rradhë këto teasers mund të mungojnë.

Epic Games është treguar çuditërisht i qetë rreth zhvillimeve të ardhshme në lojë, duke i lënë fansat në një agoni kureshtjeje. Sipas një teorie, zhvilluesit mund ta fillojnë Season 11 menjëherë pas eventit me raketën, ku shumë lojtarë do jenë tashmë duke e luajtur lojën, duke i kaluar gjërat nga eventi, te downtime-i, te sezoni i ri.

Përgjatë Season X pamë shumë Rift Beacons të ndryshonin drastikisht hartën disa herë. A do të jetë hapi i rradhës një hartë plotësisht e re? Mbetet të presim dhe të shohim.