Ndoshta mund ta keni harruar, por Doom Eternal nuk është i vetmi lançim i ri i Doom që do të vijë së shpejti. Ka një film live-action të quajtur Doom: Annihilation dhe ai do ta ketë premierën të martën e 1 tetorit, direkt në DVD, Blu-Ray dhe digital. Review-t e para të filmit janë publikuar dhe le të themi që nuk janë edhe aq të mira.
Dy kritikat kryesore vijnë nga Forbes dhe Blu-Ray.com dhe nga këto të dyja ajo e Forbes është pak më tolerante. Alex Kane, personi që e ka shkruajtur shprehet se është “më e mirë se e fundit” dhe gjithashtu të jep një “argëtim të kotë”. Ai shton se skenat e aksionit janë të mira dhe efektet e krijesave janë impresionuese. Edhe Amy Manson, protagonistja e filmit, merr vlerësimin të mirë.
Kritika e Blu-Ray.com nga Martin Liebman pataj është shumë më brutale në verdiktin e saj. Martin shprehet se kemi të bëjmë me “një film aksion tmerrësisht të mërzitshëm” dhe një “projekt pa jetë që nuk duhet parë.” Ai vazhdon me fraza si: “Aktrim i dobët, skenari zero, atmosferë e paimagjinueshme, dizajn jo i frymëzuar…” etj etj. Në fund çdo gjë mbyllet me “Skip it.”
Martin gjithashtu thotë se nuk sheh asnjë veçori të Blu-ray, as në trailerin e filmit. “Janë të pakta arsyet përse fansat e Doom duhet ta shohin,” e përmbyll mendimin ai. Sugjerimi i tij është që të luani lojërat ose të prisni më mirë për Doom Eternal.
Jemi kuriozë nëse Bethesda do të thotë diçka mbi filmin. Kur traileri më poshtë u publikua për herë të parë, kompania the se nuk ishin fare të përfshirë me filmin.
Filmi i mëparëshëm i Doom ishte në 2005 dhe kishte brenda tij Karl Urban dhe Dwayne Johnson. As ky nuk mbahet mend si ndonjë film super i mirë, por të gjithë e dimë se të pakta janë rastet kur filmat që vijnë nga videolojërat, ja dalin të kenë sukses.