Mesa duket kriptomonedha e quajtur Squid Game nuk ishte dhe aq e mirë në lojën “Red light Green light”. Pas një vrulli të madh që mori një ditë më parë duke kapur vlerën prej $2856, zhvilluesit e saj bëjnë disconnect monedhën dixhitale dhe puf… shkon në zero.
Tokeni $SQUID, e cila u përdor për të blerë një raund të një loje të lidhur, njihet si një kriptomonedhë “pay-to-win”, ku njerëzit blejnë token për të luajtur një sërë lojërash në platformë.
Një turmë investitorësh filluan të hidheshin mbi tokenin pas lançimit të tij më 27 tetor dhe të luanin lojën duke ndjekur gjithashtu një fitim të shpejtë. Dyshimet e hershme lindën kur investitorët raportuan se nuk ishin në gjendje të shisnin monedhat e fituara për shkak të ‘teknologjisë inovative anti-dumping’, e cila i kufizoi investitorët të shkëmbenin ose shisnin tokenat e tyre dhe të merrnin fitime.
Një numër paralajmërimesh të përsëritura në mediat sociale dhe komunitetin e kriptove gjithashtu u duk se paralajmëruan investitorët që të largoheshin nga projekti për shkak të rrezikut të përfshirë. Megjithatë, pavarësisht paralajmërimeve, investitorët vazhduan të grumbullonin para në projekt dhe të rrezikonin kapitalin e tyre në lojën spekulative. CoinMarketCap madje postoi një njoftim në faqen e tij token për $SQUID, i cili informoi përdoruesit se monedha mund të ishte një mashtrim ‘honeypot’.
Më pas, njëlloj si loja e shfaqjes televizive “Red light, Green light”, ngjyrat në tabela ndryshuan shpejt dhe çmimi ra ndjeshëm pasi arriti një kulm prej rreth 2,850 dollarë me çmimin që u rrëzua në zero pasi zhvilluesit e lojës në dukje hoqën likuiditetin dhe e ‘tërhoqi’ projektin.
Bazuar në aktivitetin e portofolit, pretendohet se zhvilluesit e lojës u larguan me afërsisht 2.5 milionë dollarë BNB të pagjurmueshme pasi përdorën Tornado Cash, një faqe e përdorur për të privatizuar dhe fshehur transaksionet në blockchain, për të “pastruar” fondet e vjedhura. GG Squid Game