Hypixel Studios po krijon një lojë të re të quajtur “Hytale” me disa ndihma nga zhvilluesi Riot Games i League of Legends. Kështu u njoftua në një postim të enjten.
Hytale është një RPG sandbox me një stili arti të Minecraft. Loja gjithashtu mbart një numër karakteristikash interesante si community servers, minigames, modding tools etj.
Ngjashmëria e Hytale me Minecraft nuk është rastësi. Hypixel është studioja pas një prej serverave më të njohur të Minecraft, e cila ka tërhequr rreth 14 milion lojtarë dhe ka fituar 4 Rekorde Guinness. Përfshirë këtu “serveri më i mirë i pavarur për një video-lojë”.
“Është emocionuese të mësosh nga këta zhvillues dhe ekspertë të industrisë”, tha Hypixel. “Shumë prej nesh u rritëm duke luajtur lojëra dhe është me të vërtetë e pabesueshme të mendosh se disa nga fëmijët e tyre janë duke e luajtur Hypixel tani.”
Hypixel gjithashtu tha se serveri Minecraft i saj do të të vazhdojë të zhvillohet nga një skuadër më vete. Hypixel planifikon të lançojë Hytale në PC dhe Mac, por do të eksplorojë edhe mundësitë e publikimit në platforma të tjera.