“Ekziston mundësia për çdo personazh”
“Ekziston mundësia për çdo personazh”
Kur shkrimtari Alex Pina filloi të punonte me seritë e La Casa de Papel nuk mendonte se ato do të ktheheshin në një fenomen botëror. Ai gjithashtu nuk mendonte se pas katër sezoneve në Netflix, fansat do të kërkonin për më shumë, madje edhe për spinoffs. Gjatë një interviste të fundit, Pina ka thënë se në fakt mund të krijohen shumë linja historike për grabitësit që i vodhën zemrën Spanjës.
“Kemi shumë mundësi për disa spinoffs dhe mendoj se kjo lidhet me karakteret e forta të personazheve,” u shpreh Pina. “Gjithmonë kemi qenë në kërkim të personazheve që kishin një ndërtim kompleks. Për këtë arsye i dhashë çdo personazhi në Money Heist një dualitet që mund ta shihnim në një spinoff.”
Ai kishte edhe disa ide specifike: “Mendoj se Arturito mund të ketë një komedi të zezë pas tij. Rasti i Berlin pastaj është shumë i qartë; ai është psikopat, egocentrik, narcist një kriminel dhe një përdhunues, por ka shumë njerëz që e ardhurojnë sepse ai vlerëson miqësinë, vllazërinë dhe besnikërinë. Do të doja t’ju shkruaja të gjithëve nga një spinoff.”
Sado që Pina dhe skuadra e Netflix nuk thanë asgjë përsa i përket një sezoni të 5 për La Casa De Papel, ai ju referua sezonit të katërt si më shokuesi dhe më i paprituri nga të gjithë deri tani.
Pas katër sezoneve si seriali më i njohur për një gurp hajdutësh që grabisin disa nga bankat më të mëdha të Europës, krijuesi i tij, si në një farë mënyre mendja pas personazhit të El Profesor, u pyet nëse mendonte se mund të grabiste një bankë në jetën reale?
“Jo, i kam shumë frikë grabitjet. Të krijosh një grabitje nga imagjinate është e lehtë, nuk ka rreziqe. Rreziqet do ja lë profesorit.”