Kratos i God of War do të vijë si skin në Fortnite

Kratos i God of War do të vijë së shpejti në Fortnite… sikur loja të mos kishte mjaftueshëm personazhe dhe crossovers.

Bashkëpunimi i PlayStation me Fortnite fillimisht u njoftua nga vetë Sony në një postim në Twitter dhe pak pas kësaj dataminers postuan një imazh të Kratos në Fortnite.

Skini do të jetë versioni i 2018s i Kratosit në God of War , në dallim me pamjen e tij nga trilogjia origjinale.

Nuk është shumë e qartë se kur do të bëhet i disponueshëm skini i Kratos dhe se si do të mund të merret, por ka gjasa që të jetë ekskluziv vetëm për përdoruesit e Fortnite në PlayStation, duke marrë në konsideratë që seritë e God of War janë në pronësinë e Sony.

Ndaj, nëse jeni pjesë e familjes së PlayStation dhe e doni këtë skin, mbani një sy hapur nga Fortnite për të parë se kur do të vijë.