Kopertina e Days Gone në Amazon tregon diçka surprizuese

Eksluzivja e PlayStation, Days Gone mund të vazhdojë të vonohet në lançim, por faqja e saj në Amazon është e disponueshme për pre-orders-at e lojës. Në të mund të shihet tashmë kopertina zyrtare e Days Gone.

Në imazh, protagonisti Deacon St. John mbështetet lehtzi pas motoçikletës së tij, i ulur pranë një peme. Duket se është gati për betejë me armën që mban në dorë dhe prezantohet mjaft i relaksuar, duke marrë parasysh qindra personat e inatosur që i qëndrojnë mbrapa. Ka shumë mundësi që ky të jetë imazhi final që Sony do të ndjeki për kopertinën në lançimin e lojës në prill. Gjithsesi gjashtë muaj janë relativisht një periudhë e gjatë dhe studioja edhe mund ta ndryshojë mendjen para lançimit.

Krahas vonesave, Days Gone ka qenë pak lojë kontradiktore. Disa lojëtarë shprehen se qëndron shumë e ngjashme me lojërat e zakonshme të llojit Zombie, kurse të tjerë shprehen se është shumë më shumë se thjesht një Zombie Shooter. Duke marrë parasysh se historia ka prezencë të madhe në lojë dhe dinamikën e mahnitshme të open world që përmban, ka disa nuanca që vërtet mund të mos kapen nga syri me shikimin e parë.

Days Gone do të lançohet në 26 prill të 2019, por nëse dëshironi mund ta porosisni edhe më herët nga Amazon që tani.