Kontrata e Tfue dhe FaZe është publikuar

Kontrata që i nisi të gjitha

Pak ditë pas betejës së vazhdueshme mes FaZe Clan dhe lojtarit të tij të Fortnite Turner Tenney “Tfue”. Kontrata origjinale mes të dyja palëve është bërë leak në internet.

Ngritja e padisë u bë në 20 maj. Ideja ishte që FaZe kishte të drejtë deri në 80% të marrveshjeve që Tfue bënte me kompani brandesh të tjera dhe po e ndalonte Tfue që të firmoste sponsorshipe të tjera, duke eleminuar mundësinë e tij për të konkuruar në treg dhe duke dhunuar në mënyrë të drejtpërdrejtë rregullat e Kodit të Profesioneve të Bizneseve Kaliforniane.

Kontrata origjinale mes Tfue dhe FaZe e quajtur “Gamer Agreement” u firmos në 27 prill të 2018s dhe liston në të të gjitha pikat që të dyja palët kanë rënë dakord. Pikat më të rëndësishme të interesit janë të listuara më poshtë.

Kompensimi

Sipas kontratës, FaZe do ti paguajë Tfue $2000 për muaj dhe do të ketë fitime proporcionale nga lojtari sipas:

Fitimeve në turnamente

• Fitimet në turnamente do të ndahen në raportin 80% dhe 20%, përkatësisht për lojtarin dhe kompaninë.

Marrveshjet e brandeve

• Çdo lloj marrveshjeje me një brand që sillet nga Gamer-i do të ndahet 50% me 50%.
• Marrveshjet e brandit që sillen për lojtarin nga kompania do të ndahen 80% për kompaninë dhe 20% për gamer-in.

Ekskluziviteti

Kontrata deklaron se gamer-i nuk do të:

• “shfaqet, sponsorizohet ose të jetë sponsor, të promovojë, në mënyrë direkte ose indirekte asnjë lloj brandi, produkti apo shërbimi përveç brandeve, produkteve dhe shërbimeve të caktuara me shkrim nga kompania”
• “të promovojë, sponsorizojë, të tregojë preferenca ose të përdorë shërbime në emër të ndonjë kompanie me produkte ose shërbime që janë konkurentë të kompanisë.”