Konkurenca e SHBA dhe Kinës për lidershipin në mallra shkëmbimi, po ndikon tani edhe botën e videolojërave.
Konkurenca e SHBA dhe Kinës për lidershipin në mallra shkëmbimi, po ndikon tani edhe botën e videolojërave.
Tashmë prej muajsh, Shtetet e Bashkuara dhe Kina kanë qenë në një luftë për mallrat e shkëmbyera dhe tarifat e vendosura mbi importin e këtyre të fundit janë armët kryesore që po përdoren në këtë luftë. Presidenti i SHBA, Donald Trump, ka që vite që ka hedhur shenja drejt rritjes së tarifave.
Sipas propozimit më të fundit, taksat e mallrave të importuar kinezë do të rriteshin me 25 %. Në këtë listë mallrash të ndikuara, përfshihen edhe videolojërat dhe konsolat. Kompanitë e videolojërave nuk janë fare të kënaqura për këtë . ESA e ka shprehur pakënaqësinë në raport me këtë shqetësim dhe Nintendo, Sony dhe Microsoft kanë në plan të bëjnë të njejtën gjë. Këto tarifa nënkuptojnë se çmimet e konsolave të gjeneratës së ardhshme si PlayStation 5, Xbox Scarlett dhe lojërat e tyre do të kushtojnë më shumë.
Një letër që shpreh shqetësimin ndaj këtij fenomeni është nisur për përfaqësuesin e Zyrës së Tregëtisë së Shteteve të Bashkuara. Letra kërkon që konsolat të mos përfshihen në këtë vendim për shkak të impaktit të madh dhe dëmit që këto tarifa do i shkaktojnë tregëtisë. Ja një segment i kësaj letre:
“Në veçanti tarifat ndaj konsolave të videolojërave do të:
Dëmtonin klientët, zhvilluesit e videolojërave, shitësit dhe prodhuesit e konsolave; do të vinin në rrezik me mijëra punë të qytetarëve amerikanë dhe do të sillnin regres në ecurinë e kësaj industrie.
Ne i vlerësojmë përpjekiet e Administratës për të mbrojtur SHBA dhe rolin e saj në mallra dhe në lidershipin e tyre, por dëmi që do të vijë për konsumatorët dhe bizneset amerikane nga ky vendim do ti frenojë dhe nuk do ti avancojë ato qëllime.
Ndaj respektivisht ne kërkojmë që administrata të zhvendosë HTSUS nënlinja 9504.50.00 që trajton konsolat e videolojrëave, nga lista finale e mallrave të ndikuar dhe të frenohet aplikimi i këtyre tarifave mbi këto produkte.”
Sipas letrës, mbi 96% e konsolave të videolojërave të importuar në SHBA janë prodhuar në Kinë. Mendohet se një ndryshim i tillë do të rezultojë në rritjen e menjëhershme të kostove, që do të sjellë një ulje drastike të shitjes së videolojërave dhe konsolave, por mbi të gjitha, do të shkaktojë një vonesë masive në avancimin teknologjik të vendit.