Nintendo Direct do të zhvillohet sot në orën 23:00.
Nintendo Direct do të zhvillohet sot në orën 23:00.
Nintendo ka konfirmuar se do të zhvillojnë Nintendo Direct të parë të 2019 sot, në 13 shkurt 2019. Pritet që eventi të zhvillohet rreth orës 23:00 me orën tonë dhe do të zgjasë rreth 35 minuta. Në të do të marrim informacione të reja rreth titujve të rinj për Nintendo Switch, duke përfshirë këtu detaje të reja mbi Fire Emblem: Three Houses.
Si zakonisht, ju do të mund ta ndiqni Direct nëpërmjet faqes së Nintendo, si dhe kanalit të tyre në Youtube. Fire Emblem: Three Houses u lajmërua fillimisht në E3 2018 dhe pritej të lançohej në pranverë të 2019. Megjithatë, që prej asaj kohe Nintendo nuk ka dhënë më asnjë detaj mbi lojën, dhe kjo do të jetë hera e parë që ne do të marrim informacione të detajuara mbi të.
Përveç Fire Emblem: Three Houses, Nintendo po zhvillon momentalisht Yoshi’s Crafted World, Luigi’s Mansion 3, një lojë të re Pokemon, si dhe një lojë të re të serisë Animal Crossing për Nintendo Switch. Megjithatë, nuk ka asnjë konfirmim nësë do të flitet për këto lojëra gjatë Nintendo Direct.
Ka mundësi që Nintendo të prezantojë para nesh projekte të reja gjatë Direct. Fansat e Metroid kanë kohë që shpresojnë që Metroid Prime Trilogy do të ri-lançohet në Switch pas suksesit në Wii. Duke parë dhe lajmet mbi nisjen e zhvillimit të Metroid Prime 4, duket se nuk do të ketë më lajme të reja për lojën pasardhëse për pak kohë.
Gjitashtu, mund që gjatë konferencës Metroid Prime Trilogytë japë më shumë informacion mbi luftëtarin e ri DLC të Super Smash Bros. Ultimate, që do të jetë Joker nga Persona 5, i cili u zbulua gjatë The Game Awards në dhjetor të 2018. Zhvilluesi i pokemon Game Freak gjithashtu po punon mbi një lojë RPG të quajtur Town, mbi të cilën ende nuk kemi shumë informacion. Megjithatë, kanë mbetur edhe pak orë para se të zbulojmë se çfarë na pret nga Nintendo.