Mbështesni GameON Albania duke përdorur kodin support-a-creator: GAMEONALBANIA
Po kerkoni për diamante në Free Fire Falas?! Klikoni këtu për të marrë pjesë në Giveaway për Free Fire Diamonds
Kompania e suksesshme koreane është tani në shitje
Nexon është një zhvillues korean i cili mbase nuk është shumë i dëgjuar nga ju siç është për shembull Acitvision-Blizzard ose Electronic Arts, por kompania ka arritur të jetë e suksesshme kur vjen puna te çfarë ata ofrojnë, e në veçanti lojrat e tyre si FIFA Online, MapleStory dhe Combat Arms.
Më herët gjatë janarit pati disa raportime se krijuesi i Nexon, Kim Jung-Ju dhe një pjesë e madhe e aksionerve do të ofronin së bashku plot 98% të kompanisë, duke e nxjerrë atë thuajse tërësisht në shitje.
Aksionet kanë vlerën e rreth 9 miliard dollarëve, çka domethënë se ka vetëm një numër të vogël kompanish që mund t’a përballojnë këtë çmim. Që kur krijuesi ka shprehur dëshirën për të shitur kompaninë, ka pasur disa raportime të ndryshme mbi të interesuarit dhe tanimë kemi disa informacione të sakta se kush ka bërë oferta.
9 miliardë dollarë janë një shumë jashtëzakonisht e madhe, por megjithatë duket një vlerë e pranueshme për Nexon duke parë suksesin e kompanisë në lojërat për smartphone. Gjatë vitit fiskal 2018, Nexon rriti fitimet e saj me 8% duke arritur 2.29 miliard dollarë dhe fitimet neto u rritën me plot 90% duke arritur mbi 970 milion dollarë.
MapleStory duket se është loja kryesore dhe duket se mbështetet nga një numër i madh lojërash për mobile. Sipas CEO së kompanisë, Owen Mahoney: “Duke u bazuar mbi suksesin tonë në tregun kinez e korean, në 2018 tregu mobile dhe PC i Nexon u rrit vazhdimisht. Pamë rritje të fortë në mbolie në perëndim me lojën e Pixelberry Studios Choices: Stories You Play si dhe nëpër të gjithë botën me MapleStory M dhe Darkness Rises“.
EA, Amazon dhe Comcast kanë depozituar të gjitha oferta zyrtare për të blerë shumicën e kompanisë, qendra e së cilës ndodhet në Tokio, Japoni.
Blerja e Nexon do qe një mënyrë mëse e sigurt për të fituar plot 1 miliard dollarë në vit, e me këtë ritëm investimi do të nxirrte paratë e shpenzuara në rreth 9 vite, pa konsideruar rritjen e kompanisë, gjë e cila nuk duket e mundshme.
Në listën e ofertave, një prej mungesave kryesore është Tencent në Kinë, që kohët e fundit ka pasur një ‘bum’ invesitmesh në publikues dhe zhvillues të tjerë, sidomos në mobile. Gjithashtu, është interesante fakti se Comcast po përpiqet të blejë Nexon ndërsa përpiqet të zgjerohet si kompani.
Çdo kompani e suksesshme është shënjestër e ofertave të blerjes dhe duke parë rritjen e fitemeve në tregun e lojërave për smartphone si në iOS ashtu edhe në Android, Nexon mund të jetë duke kërkuar një çmim mjaft të lartë mbi vlerën e tyre reale.
