Kojima Productions mund të merret me filma në të ardhmen

Sipas Kojima, e ardhmja e gaming është në streaming.

Death Stranding është shumë pak ditë pranë lançimit, por kjo nuk e ka ndaluar Hideo Kojima që të hedhë shenja drejt planeve të tij të ardhshme. Si pjesë e një dokumentari të BBC mbi lojën, dizenjuesi legjendar i lojërave tha se studioja e tij, Kojima Productions, do të bëjë filma në të ardhmen.

“Nëse mund të bësh një gjë mirë, mund t’i bësh të gjitha mirë,” thotë Kojima me shaka në dokumentar.

Ai vazhdon të shpjegojë teorinë e tij se në të ardhmen, lojërat do të kalojnë në streaming, diçka që momentalisht nuk na duket shumë larg. Kojima thotë se kur kjo gjë të ndodhë, lojërat do të konkurojnë tamam me filmat, sepse do të zënë të njejtin vend si ato në telefonat dhe tabletat tona. Ai mendon se kjo do të sjellë një tip komplet të ri loje, një që ai mezi po pret ta krijojë.

Përsa i përket Death Stranding pastaj, duket se edhe vetë deri në një pikë është duke shërbyer si një shkrirje mes lojërave dhe filmave. Nëse ky lloj hibridi është ai që Kojima mendon kur i referohet filmave, ose nëse do që studioja e tij të krijojë një film klasik nuk është fort e qartë. Gjithsesi, mund të presim që projekti i rradhës i Kojima të jetë goxha i çuditshëm.