Kjo video e PUBG Mobile na tregon Erangel 2.0

Erangel 2.0 sjell pamje të reja nga PUBG

Fenomeni i battle royale-it, PUBG Mobile ka qenë pa frikë një nga lojërat më të përfolura të vitit dhe duket se zhvilluesit duan që lojtarët ta mbajnë vëmendjen aty. Vetë loja fillestare PlayerUnknown’s Battlegrounds është rritur gjithmonë e më shumë që kur është lançuar. Tani ajo e gjen veten në një pikë ku update-et nuk mund të jenë rreth prezantimit të veçorive të reja në lojë, por rreth ripunimit të atyre tipareve që tashme janë prezente.

Zhvilluesit kanë publikuar një video me të gjitha ndryshimet që duhet të presim së shpejti. Një nga aspektet më interesante të saj ka qenë padyshim ripunimi i hartës së Erangel-it. Të njejtat ndryshime gjithashtu janë njoftuar se do të vijnë edhe në PUBG Mobile, këtu me emërtimin Erangel 2.0.

Erangel është harta më e vjetër e lojës, pasi kjo ishte harta me të cilën u lançua PUBG. Pas një viti erdhi harta tjetër. Mund të kuptojmë pra se çfarë rëndësie ka Erangel për të gjithë lojtarët. Këtë rradhë skuadra zhvilluese e ka përmirësuar atë nga ana vizuale, duke rregulluar teksturat, barin dhe duke i dhënë përgjithësisht një pamje më të këndshme. Ky version i hartës do të vijë së shpejti në lojë, por zhvilluesit kanë postuar që tani një video në Twitter të ndryshimeve.

Videoja e mësipërme tregon pamjet para dhe pas të hartës. Aty mund të shohim Yasnaya Polyana, Mylta Power, Prison dhe zonën mes Mylta Power e Mylta. Ndryshimet mund të evidentohen edhe në sipërfaqet reflektuese. Tekstura e barit është më e mirë dhe mbizotëron më shumë ngjyra jeshile.

Edhe tekstura e ndërtesave tashme duket më e qartë, madje vetë ato duken më elegante se më parë. Krhahas këtyre ka edhe më shumë stenda të lojë që rrjedhimisht do të thotë më shumë reklama. Emri i këtij update-i vizual njihet si Erangel 2.0 dhe sipas videos thuhet se do të vijë së shpejti në lojë.