Ka një opsion urinimi që literalisht bën të mbijnë kërpudha.
Ka një opsion urinimi që literalisht bën të mbijnë kërpudha.
Një nga momentet më të bukura të Gamescom 2019 padyshim që ishte Hideo Kojima dhe prezantimi i tij i detajuar për gameplay-in e lojës së tij të shumëpritur, Death Stranding. Duke marrë parasysh që është Kojima, mund të themi që nuk kemi mbetur të zhgënjyer nga ajo që është treguar.
E gjitha hapet me personazhin e Norman Reedus, Sam Porter Bridges teksa futet në një zonë bashkë me bebin e tij, që është praktikisht një foshnje në një shishe që e ndihmon atë të dallojë prezencën e përbindëshave. Pasi ai zgjohet ai urinon, duke shkaktuar që një kërpudhë të mbijë në tokë.
Më tej Sam udhëton në botën e lojës me ndihmën e shkallës së tij gjigande që praktikisht zgjatet pafund. Ai gjen rrugën në një stacion buzë shkëmbit ku haset me një hologram që i jep një detyrë. Pasi ai ikën, Sam bie nga shkëmbi, duke mërzitur kështu bridge baby-in e tij. Më tej ai tund fëmijën për ta qetësuar.
Mekanika e urinimit mund të ketë ndikim në gameplay. Kojima theksoi se nëse disa lojtarë urinojnë në të njejtin vend, kërpudha që do të lulëzojë mund të jetë e dobishme dhe mund të përdoret në një pikë edhe si një armë. Oh dhe nëse përpiqeni të ktheni këndin e kamerës teksa Sam po urinon, ai do ju kthejë shpinën për të ruajtur privatësinë e tij.
Sado që Kojima ishte relativisht i përmbajtur për dhënien e më shumë detajeve të tjera të plot-it, ai konfirmoi se qëllimi i Sam është të ndihmojë ndërlidhjen e qyteteve të izoluara në një shoqëri të dëmtuar.
Ai gjithashtu shtoi se do të ketë disa fytyra shumë të njohura që herë pas here do të bëjnë paraqitjen e tyre në lojë. Hologrami luhet nga prezantuesi i Gamescom Opening Night, Geoff Keighley.
Mbrëmjen që lamë pas, gjatë Gamescom, Kojima prezantoi video personazhesh për Mama dhe Bridge Baby. Ju do të mund të kaloni më shumë kohë me ta, Sam-in dhe pjesën tjetër të personazheve kur Death Stranding të vijë për PS4 në 8 nëntor.