Mbështesni GameON Albania duke përdorur kodin support-a-creator: GAMEONALBANIA
Po kerkoni për diamante në Free Fire Falas?! Klikoni këtu për të marrë pjesë në Giveaway për Free Fire Diamonds
Sipas Infinity Ward, Gunfight është vetëm fillimi.
Pas zbulimit të gameplay-it të Gunfight Mode, pamje të reja të Call of Duty: Modern Warfare janë publikuar. Loja do të vijë këtë vit për PC dhe konsola dhe duket se vërtet do ti habisë të gjithë.
Videoja e re e publikuar, është e disponueshme në rezolucion 4K dhe lidhet sërish rreth Gunfight mode. Këtu loja duket shumë fantastike. Animimet dhe audioja gjithashtu e bëjnë të qëlluarit të ketë shumë më shumë impakt.
Poshtë videos Infinity Ward kishte shkruajtur: “Ju na e kërkuat dhe ne ju dëgjuam. E xhiruar në 4K nga PlayStation Pro, jemi të emocionuar të ndajmë me ju gameplay-in e Gunfight, një mode i ri 2v2. Gunfight është thjesht një copëz e gjithë asaj që do të vijë. Mësoni më shumë mbi këtë univers multiplayer-i të enjten e datës 1 gusht gjatë premierës së gameplay-it të Call of Duty: Modern Warfare.”
Nga ky përshkrim Infinity Ward duket të jetë shumë e sigurtë mbi atë që po ju ofron fansave të saj dhe kjo është një gjë shumë e mirë në fakt. Mbi të gjitha te pjesa ku thuhej se Gunfight është thjesht një pjesë e vogël e gjithë gjërave që do të vijnë në Modern Warfare.
Në Gunfight dy dyshe lojtarësh do të gjenden në një betejë të ashpër. Skuadra e parë që merr 10 raunde mbi tjetrën, fiton. Lojtarët do të duhet të fitojnë me ato gjëra që ju jepen që në fillim.
Loadout-et ndryshojnë çdo dy raunde dhe për ta bërë edhe më interesante , lojtarëve ju jepen vetëm 40 sekonda për të eleminuar skuadrën tjetër. Nëse nuk ka një fitues deri në atë pikë, një flamur do të dalë mbi hartë.
Lojtarët duhet të vrapojnë te flamuri dhe ta mbrojnë për tre sekonda për të fituar raundin.
Call of Duty Modern Warfare do të lançohet në 25 tetor të këtij viti në PC, PlayStation 4 dhe XboxOne.
