FIFA ka shitur mbi 260 milion kopje deri tani

Electronic Arts ka njoftuar se ekskluziviteti i saj i FIFA-s ka shitur mbi 260 milionë kopje deri më sot që nga fillimi i saj në 1993. Kjo shifër përfshin shitjet në mbarë botën në të gjitha platformat.

FIFA 18, e cila nuk e ka bërë ende vitin, ka shitur mbi 24 milionë kopje. Ndërkohë, FIFA mobile ka tejkaluar 193 milionë shkarkime.

Në një deklaratë për shtyp, EA siguroi informacionet  në vijim:

• EA SPORTS FIFA 18 ka shitur mbi 24 milionë kopje deri më sot, me lojtarë që kanë luajtur më shumë se 7 miliardë ndeshje dhe shënuar mbi 17 miliardë gola që nga fillimi.
• EA SPORTS FIFA vazhdon të jetë loja më e shitur sportive e të gjitha kohërave, me mbi 260 milionë njësi të shitura në të gjithë ekskluzivitetin deri tani.
• FIFA Ultimate Team(FUT) vazhdon të jetë një nga modalitetet më të njohura në FIFA dhe në FUT 18, fansat kanë krijuar mbi 13 milionë klube brenda ‘mode’-t.
• EA SPORTS FIFA 18 Global Series kishte më shumë se 20 milionë lojtarë që garonin në eventet konkurruese të lojërave në gjithë FIFA 18 dhe FIFA Online 3, me lojtarë nga 60 vende të botës.
• FIFA Mobile ka tejkaluar 193 milionë instalime në mbarë botën, dhe në lojën e lançuar kohët e fundit të FIFA Mobile në Kinë, tifozët kanë luajtur mbi 900 milionë sesione.
• FIFA Online 3 dhe FIFA Online 4 vazhdojnë të jenë jashtëzakonisht të njohura në të gjithë Azinë me më shumë se 115 milionë lojtarë të regjistruar dhe mbi 15 miliardë seanca të luajtura.

Seria e ardhshme, FIFA 19, është planifikuar për t’u lëshuar më 28 shtator për PlayStation 3, PlayStation 4, Xbox 360, Xbox One, Nintendo Switch dhe PC. Një demo do të dalë më 13 shtator.