Një NFT shumë i kërkuar është shitur aksidentalisht për pak më shumë se një të qindtën e çmimit të tij të tregut, në atë që mund të përshkruhet si gjëja më fatkeqe që i ka ndodhur këtij personi këtë vit.
Së pari, pak informacion për ata prej jush që nuk janë ende të familjarizuar me NFT-të: ‘Non-fungible tokens’ janë asete dixhitale të një lloji që mund të blihen dhe shiten në internet. Ato mund të jenë pothuajse çdo gjë; nga fotot dhe videot, tek modelet 3D dhe audio files.
Për fat të keq, vetë akti i krijimit të këtyre NFT-ve varet nga blockchain mining. Për shkak të kësaj, shumë njerëz nuk e aprovojnë këtë trend të ri. Por kjo nuk e ndalon një pakicë që të blejë dhe shesë NFT në internet për para.
Bored Ape Yacht Club është një seri speciale e kufizuar prej 10,000 NFT, secila me variante shumë të vogla, por të gjitha krejtësisht unike. Siç raportohet nga BBC, pronari i Bored Ape #3,547 kishte synuar të shiste pjesën e tyre për 75 Ethereum (ETH), kriptomonedha që përdoret zakonisht në tregtinë NFT.
Fatkeqësisht, një gabim “katastrofik” bëri që pronari të listonte artikullin me 0,75 ETH. NFT u shit përpara se gabimi të kapej dhe pothuajse menjëherë u rikthye në shitje me afro 250,000 dollarë.
“E pashë menjëherë gabimin teksa gishti im klikoi mausin, por… u shit direkt përpara se të mund të klikoja ‘Cancel’ – dhe 250,000 dollarë ishin zhdukur”, tha shitësi për CNet.