Pas një viti zhgënjyes, FIFA do të dojë të bëjë një kthesë të fuqishme
Pas një viti zhgënjyes, FIFA do të dojë të bëjë një kthesë të fuqishme
FIFA duket se ka përparuar shumë dhe është rritur vitet e fundit dhe me sa duket ka të njëjtin qëllim edhe këtë vit. FIFA 21 u shfaq fillimisht gjatë qershorit në konferencën online EA Play bashkë me trailer-in e lojës. Pavarësisht informacioneve që janë dhënë, fansat e FIFA nuk janë të kënaqur. Data e lançimit do të jetë 9 tetor, ndryshe nga vitet e përparshme ku zakonisht ka qënë fundi i shtatorit. Me sa duket kjo shtyrje ka qenë për shkak të situatës së krijuar nga COVID-19 por prapë së prapë kjo gjë nuk ka ndikuar shumë në datën e lançimit të lojës. Fillimisht FIFA 21 do të jetë për PS4, Xbox dhe PC dhe gjatë fundit të këtij viti do të vijë për gjeneratën e re të konsolave dhe Stadia.
Për gjeneratën e re të konsolave, FIFA 21 do të jetë e pajisur me Dual Entitlement që do të thotë se një pjesë e progresit si lojtarët, items, FIFA points etj. në kosolat e tanishëm do të mund të transferohet në gjeneratën e re ndërsa progresi në Online Seasons, Co-op Seasons, Career Mode etj. nuk do të mund të transferohet. FIFA 21 do të jetë vetëm në versionin digjital për PS5 dhe Xbox Series X por lojtarët të cilët kanë disk fizik për PS4 dhe Xbox One do të mund ta luajnë këtë lojë.
Shumë veçori të reja priten të vijnë. Një veçori e cila po pritet shumë nga fansat është cross-play (lojtarët mund të luajnë me njëri-tjetrin nga platforma të ndryshme) por që akoma nuk është e konfirmuar. Mendohet se kjo veçori do të jetë vetëm ndërmjet Xbox Series X dhe PS5. Veçori të tjera të cilat priten të vijnë janë animacione të reja dhe më të theksuara dhe një sistem i ri ndriçimi i cili do të bëj të mundur që grafikat të duken më origjinale. Akoma nuk është zbuluar se kush futbollist do të jetë fytyra e lojës në kopertinën e lojës për këtë vit por besohet se do të jetë futbollisti i Paris St. Germain, Kylian Mbappe.
Versioni demo i FIFA 21 nuk është zbuluar akoma por besohet se do të lançohet 2 ose 3 javë para lançimit të FIFA 21. Akoma nuk janë zbuluar se cilat do të jenë skuadrat të cilat do të jenë pjesë e versionit demo. Të gjithë ata që bëjnë pre-order tani për PS4, Xbox One dhe PC (Steam ose Origin) do të kenë mundësinë ta luajnë ketë lojë 3 ditë më përpara, pra më 6 tetor kurse për ata që kanë EA Access në konsola dhe Origin Access në PC do të mund ta luajnë akoma më shpejt, më 1 tetor në versionin Play First Trials. FIFA 21 do të lançohet në 3 versione: Standard Edition, Champions Edition dhe Ultimate Edition ku secili version do të ketë benefitet e veta.