Pritja pothuajse ka mbaruar. Fansat kanë kërkuar për Kingdom Hearts III për vite, dhe tani është vetëm një javë larg nga publikimi i tij në PS4. Disa ende mund të zgjedhin një version fizik të lojës, por do të ketë shumë lojtarë të emocionuar që kanë parapaguar në PlayStation Store.
Kjo do të thotë se ata që kanë shënuar emrat e tyre për të marrë një kopje dixhitale PS4, mund të fillojnë të shkarkojnë lojën tani për t’u siguruar se do ta kenë gati dhe të instaluar përpara lançimit zyrtar. Zakonisht pre-load fillon automatikisht, por në rast se nuk funksionon, ju mund ta aktivizoni atë në mënyre manuale duke shkuar te faqja e paracaktuar e lojës. Madhësia e shkarkimit është afërsisht 37 GB, prandaj është e këshillueshme që ta shkarkoni paraprakisht për t’u siguruar që jeni gati për ditën e madhe.