Vitin e shkuar Kina u bë lidere në regjistrimin e patentave internacionale, duke ja kaluar Shteteve të Bashkuara, që kishin mbajtur vendin e parë për më shumë se një dekadë. Kjo u njoftua nga OKB.
Një rekord prej 265,800 aplikimesh internacionalë për patenta u plotësuan vitin e shkuar, një rritje me 5.2% nga 2018, tha World Intellectual Property Organisation në raportin e saj të përvitshëm. Sistemi i saj kompleks për regjistrimin e patentave përfshin kategori të shumta.
Në kategorinë kryesore – Patent Cooperation Treaty (PCT) Kina kryesoi për herë të parë me 58,990 aplikime. Ajo ja kaloi Shteteve të Bashkuara me 57,840 aplikime. Kina dhe SHBA u pasuan nga Japonia, Gjermania dhe Koreja e Jugut.
“Rritja e shpejtë e Kinës për tu bërë e para në regjistrimin e patentave ndërkombëtare via WIPO tregon një ndryshim afatgjatë të inovacioneve drejt Lindjes, me aplikantë të bazuar në Azi, që tashmë mbajnë mbi gjysmën e të gjitha aplikimeve PCT,” tha drejtori i WIPO Francis Gurry në një deklaratë.
Raporti i WIPO tregoi se aplikanët nga Azia zinin 52.4% të të gjitha regjistrimeve, ndërkohë që Europa dhe Amerika zinin më pak se 25% secila.
Për të tretin vit rresht gjigandi kinez Huawei kryesoi rankimin global në 2019 me 4,411 aplikime PTC. Ajo u ndoq nga Mitsubishi e Japonisë me 2,661 regjistrime, Samsung i Koresë së Jugut me 2,334 dhe Qualcomm i Shteteve të Bashkuara me 2,127.
Gurry, i cili do të largohet në fund të shtatorit, pas 12 viteve punë në WIPO, tha se në 1999 organizata kishte marrë vetëm 276 aplikime patentash nga Kina. Sado që prona intelektuale e gjen veten në qendër të konkurencës globale, Gurry tha se “është e rëndësishme të mbajmë mend se inovacioni nuk është një lojë që shumëzohet me zero.”
Gurry është thuajse e sigurtë që do të zëvendësohet nga kreu i tanishëm i agjensisë kombëtare të patentave në Singapor, Daren Tang, i cili muajin e shkuar fitoi një garë me shumë konkurencë dhe në disa momente politike kundër pesë kandidatëve të tjerë.
Në një konferencë virtuale për shtyp, Gurry tha se nuk ishte shumë i qartë se si coronavirus do të ndikonte në ecurinë e regjistrimeve të patentave internacionale:
“Nuk e dimë ende se sa e thellë dhe se sa e gjatë do të jetë kjo krizë, por do të jetë shumë e rëndësishme përgjatë të gjithë industrive,” paralajmëroi ai.