Mbështesni GameON Albania duke përdorur kodin support-a-creator: GAMEONALBANIA
Po kerkoni për diamante në Free Fire Falas?! Klikoni këtu për të marrë pjesë në Giveaway për Free Fire Diamonds
Loja dukej se premtonte shumë më shumë nga sa mund të realizohej
Më herët sot, Kickstarter-i për RAW, një sandbox MMORPG e ndërtuar në mënyrë të ngjashme me GTA Online, u ndalua dhe mbështetësit e saj morrën një email nga Kickstarter i cili thoshte se të gjithë donacionet do të ktheheshin. Projekti e kishte arritur më herët qëllimin e tij për sa i përket financimit, por pati shumë kritika pasi fansat, kritikët dhe streamer-at thanë se loja ishte shumë ambicioze për të ardhur në jetë me një buxhet kaq modest.
Donacionet në Kickstarter zakonisht paguhen vetëm kur një fushatë mbyllet, në mënyrë që mbështetësit mos të paguhen për një donacion të anulluar. Mesazhi i Kickstarter për mbështetësit thotë se ka 3 arsye se pse një projekt mund të ndalohet: “të gënjesh se je një grup i pavarur për të krijuar iluzionin e mbështetjes, të falsifikosh identitetin dhe të mos japësh mjaftueshëm fakte të lidhura me projektin“. Mesazhi gjithashtu shton se: “ne i ndalojmë projektet vetëm nëse kemi prova të forta që ata nuk shfaqin vetveten siç duhet ose që thyejnë rregullat e Kickstarter“.
Discord-i zyrtar i RAW është mbyllur pas pyetjeve të shumta të mbështetësve. I vetmi mesazh zyrtar nga zhvilluesit është një bot i cili thotë të presim për informacion zyrtar.
Update i fundit në Kickstarter është bërë në 12 korrik, ku zhvilluesit lajmëruan planet për një demonstrim të gameplay bazuar te kërkesat e komunitetit për xhirime të pandryshuara. Ata thanë se kanë punuar full-time për lojën për dy vite, duke theksuar se sa pak pushim kanë bërë gjatë kësaj kohe.
“Gjithsej kemi shpenzuar në zhvillimin e lojës rreth €10,000 deri më tani. Nuk po themi që është një shumë e madhe parash, por është një shumë e madhe kur nuk ke asnjë fitim për 2 vite e gjysmë. E kuptojmë se e gjitha kjo ngjan si një justifikim, por po mundohemi të jemi të sinqertë me ju.”
Në një stream muajin e kaluar, Shroud kritikoi ashpër RAW. Ai tha se “nuk do t’i besonte aspak kësaj loje“, duke shtuar se “është një lojë që do të ishte më e mira ndonjëherë dhe se ka një arsye pse nuk ekziston: sepse nuk është e mundur. Nuk është akoma e mundur. Nuk e bëjmë dot, kështu që mos bini pre.” Ai tha gjithashtu se “loja mund të vijë pas 30 vitesh. Mbase. Nuk jam i sigurt“.
Faqja e parë në Kickstarter e RAW thotë se loja është një “MMORPG hardcore me një qasje unike ndaj strukturave shoqërore dhe që i kushton shumë vëmendje detajeve të gameplay“. Loja është krijuar nga “një studio e vogël zhvilluesish“. Loja duket se ngjan me GTA RP, por shumë më e komplikuar. Faqja zyrtare e zhvilluesit Killerwhale Games thotë se RAW do të ketë një open-world gjigand, ndërtim, qeveri, pasuri të patundshme, biznese, profesione dhe kontrata, si dhe transport ujor, tokësor dhe ajror.
Faqja në Kickstarter thotë se shumica e sistemeve janë përfunduar, por duket se zhvilluesit kanë ende shumë rrugë për të bërë para se loja tëvië në dorën e lojtarëve. Ata kanë shpjeguar se fondet nga Kickstarter do të shkojnë kryesisht për të punësuar më shumë programues dhe modelues, por se ata duhet që gjithsesi të marrin një zyrë, kompjutera, software, një sistem për gjurmimin e lëvizjeve si dhe të paguajnë taksat.
Studioja tha se loja nuk mund të zhvillohet për $70,000, por askush nuk tha që këto ishin të vetmet para që ata kishin. Ata thonë se kanë gjithashtu edhe burime të tjera. Studioja tha se pas Kickstarter, do të krijojnë një fushatë në IndieGoGo, pasi ata të kenë krijuar një komunitet të vogël. Nuk e dimë se sa para kjo studio ka, por ky projekt ngelet padyshim shumë ambicioz për një studio kaq të vogël, kur konsideron se sa shumë ka kushtuar një lojë si GTA 5 për t’u zhviluar.
Përgjigja e tyre padyshim që i drejtohet kritikave të ngjashme me ato të Shroud, por dhe atyre që kanë lindur në Reddit që vënë në pikëpyetje vërtetësinë e këtij projekti.
Zhvilluesit gjithashtu shkruajtën se plot faqe gaming dhe njerëz të kritikojnë duke thënë që është e pamundur dhe se padyshim që loja në fillim nuk do të jetë në formën e saj më të mirë, si çdo lojë tjetër. Ata do të vazhdojnë ta rafinojnë lojën duke e zhvilluar dhe update-uar me kalimin e kohës dhe çdo update i saj do të jetë falas pasi ju ta bleni atë. Për ta, loja është një platformë që do të përdoret për shumë kohë pas lançimit.
