Këto janë përshtypjet e para për AirPods Pro

Videot e unboxing për AirPods Pro kanë filluar të qarkullojnë nëpër YouTube. Këto të fundit nuk janë tamam review teknike, por mbulojnë pjesë si dizajni, audioja, Ear Tip Fit Test dhe detaje të tilla.

AirPods Pro janë më të fundit të kufjeve të famshme wireless të Apple. Ato vijnë me një dizajn të ri, përmirësim të cilësisë së audios, sensitivitet ndaj persionit në komandat me touch dhe rezistencë ndaj ujit dhe djersës.

Gjithashtu në to mund të përdoret një teknologji e avancuar për tu përshtatur më mirë me veshin e përdoruesit, përmes Ear Tip Fit Test. Ky i fundit i përshtat AirPods Pro që të mundësojnë akustikë më të mirë, të personalizuar sipas veshit të përdoruesit.

Ato janë të disponueshme për $249, rreth $50 më shumë se AirPods-at normalë. Videoja e iJustine tregon një proçes shumë të detajuar të unboxing. Ajo tregon se si ka ndryshuar specifikisht dizajni dhe se si funksionin Ear Tip Fit Test.

Videoja e MKBHD gjithashtu detajohet shumë mbi dizajnin e ri të AirPods Pro. Ai thotë se ato përshtaten më mirë në këtë model të ri. Përgjithëssiht MKBHD nuk anoi shumë nga anët pozitive ose negative, duke u përpjekur të qëndronte neutral.

Videoja e SuperSaf gjithashtu ndjek një rutinë të ngjashme. Ai thotë se preferon cilësinë e audios në AirPods Pro në krahasim me AirPods normale, prej basit më të mirë.

Një aspekt që të gjitha videot e mësipërme ndajnë është që anullimi i zhurmës përrreth funksionon shumë mirë. Dizajni është gjithashtu më i mirë për shumicën e tyre, në krahasim me modelin e vjetër, që pas përdorimeve të gjata binte nga veshi. Gjithashtu edhe cilësia e audios është përmirësuar.

AirPods Pro vijnë për $249, për ata që kanë ndërmend të shpenzojnë kaq shumë para për një palë kufje.