Këto janë lojërat falas të Twitch Prime për muajin tetor

Lojtarët që janë të dhënë pas shërbimeve subscription janë mësuar me të marrit lojëra falas. Përdoruesit e Twitch Prime janë një pjesë e kësaj kategorie dhe si për çdo muaj, janë zbuluar lojërat që do të jenë të disponueshme në platformë gjatë muajit tetor. Këtë rradhë kemi disa lojëra në listë që i përshtaten më së miri shpirtit të Halloween-it.

• Adam Wolfe
• Deadlight Director’s Cut
• Serial Cleaner
• Stranger Things 3: The game
• The Walking Dead Michonne

Fillimisht platforma do të sjellë Adam Wolfe, një lojë e zhvilluar nga Mad Head Games, që prezanton elemente pazlledhe eksplorimi në stilin detektiv. Në këtë histori ju merrni rolin e Adam Wolfe, një studiues i paranormales.

Deadlight Director’s Cut pastaj është një lojë e zhvilluar nga Tequila Works. Ajo prezanton një eksperiencë Survival Horror nga një perspektivë e përgjithshme me Randal Wayne në krye, një rojtar pylli që është në kërkim të familjes së tij pas një apokalipsi me zombi në Seattle-in e 1986s.

Shërbimi Twitch Prime gjithashtu do të ofrojë Serial Cleaner, një lojë 2D e zhvilluar nga Draw Distance. Serial Cleaner është një lojë me aksion, stealth dhe aventurë që do ju çojë në vitet ’70. Këtu viheni në rolin e një personazhi që duhet të pastrojë skenat e krimit, duke hequr qafe kufomat, duke ju pastruar gjakun, duke zhdukur armët dhe çdo lloj prove që mund ta bëjë policinë të dyshojë diçka.

Rradhën në listë e ka Stranger Things 3: The Game, loja e zhvilluar nga BonusXP që sjell aksion dhe mistere të bazuar në serialin e famshëm të Netflix.

Së fundmi, fansat e Walking Dead do të kënaqen kur të mësojnë se miniseritë The Walking Dead: Michonne do të jenë falas në Twitch Prime. Loja na sjell tre episode të shkarkueshme mbi aventurat e jetuara nga Michonne në një botë të banuar nga të pavdekurit, sigurisht në stilin dhe grafikat që vetëm Telltale Games di të sjellë.