Ja çfarë do të keni mundësi të luani këtë muaj
Ja çfarë do të keni mundësi të luani këtë muaj
Gushti më në fund ka ardhur, çka do të thotë se dy lojëra të reja do të vijnë falas në Playstation 4 për ata që kanë blerë Playstation Plus. Një arsye shumë e mirë për mos të dalë jashtë në të nxehtin e verës. Shpresojmë që deri më tani t’i keni provuar lojërat e muajit të kaluar. Në qoftë se jo, keni deri në 6 gusht për të luajtur Detroit: Become Human dhe Horizon Chase Turbo. Në atë datë, ato do të zëvendësohen nga Wipeout Omega Collection dhe Sniper Elite 4, që mund të merren deri në datën 2 shtator.
Wipeout Omega Collection ka një remaster të Wipeout HD, expansion-in Wipeout HD Fury, si dhe Wipeout 2048. Seria e garave futuristike ka anije të cilat mposhtin gravitetin në vend të makinave tradicionale të garave. Secila prej anijeve vjen me karateristikat e saj dhe pikat e saj të forta. Në total, keni mundësi të garoni në 26 pista me 46 anije dhe 9 mode të ndryshme për të provuar. Mund të luani me miqtë tuaj lokalisht ose online dhe ky koleksion mund të luhet gjithashtu dhe në Playstation VR nëse e keni.
Ndërkohë, nëse ju pëlqejnë shooter-at taktikë në vend të lojërave me gara, Sniper Elite 4 pa dyshim që do ja vlejë. Loja zhvilllohet në Itali në vitin 1943 dhe ju luani në rolin e një snajperi i cili kontrollon mjedisin dhe ka për detyrë të eleminojë ushtarët e Fuqive të Boshtit (nazistë, fashistë dhe japonezë). Për ta bërë këtë, keni mundësi të përdorni armën tuaj, kurthe, lëndë shpërthyese dhe shumë më shumë. Sniper Elite 4 ka gjithashtu brenda saj co-op si dhe mode multiplayer kompetitive.
Siç ju thamë dhe më lart, keni kohë deri në 2 shtator për t’i marrë këto lojëra, por ato pa dyshim që ja vlejnë të provohen. Gjithashtu, mos harroni të merrni lojërat e muajit të kaluar, ku Detroit: Beyond Human është një lojë që nuk duhet humbur nga askush.