Batman: Arkham Knight & Darksiders 3
Batman: Arkham Knight & Darksiders 3
Shtatori është kaq pranë tashmë, ndaj PlayStation ka vendosur të njoftojë lojërat e këtij muaji për PS Plus. E bukura është se këtë rradhë janë lojëra që edhe ja vlen ti shkarkosh. Dy nga lojërat më të rëndësishme janë Batman: Arkham Knight dhe Darksiders 3, dy tituj fantastikë që e sigurtë që të gjithë do të donin ti merrnin.
Batman: Arkham Knight nuk referohet si më e mira e serive të saj, por sërish është një lojë tepër e këndshme. Ndoshta fakti që Batman: Arkham Asylum kishte 10 vjetorin tani afër është arsyeja pse Arkham Knight është përfshirë te lojërat falas të PS Plus.
Darksiders 3 nga ana tjetër, kur u lançua në fillim mori kritika shumë të ashpra. Në review-in tonë loja u cilësua jo fort e mirë:
“problemet qesharake të performancës dhe historia e parashikueshme e bëjnë lojën të përshkruhet si një projekt jo i plotë. Nëse jeni fansa të mëdhenj të serive , padyshim që duhet ti jepni një mundësi. Nëse thjesht po kërkoni për një RPG të linjave të tilla, tregu ka projekte edhe më të mira për të ofruar.”
Gjithsesi është falas dhe është Darksiders, kështu që po do të thonim që ja vlen.
Si zakonisht këto lojëra janë të disponueshme vetëm për një periudhë të limituar kohore dhe janë te aksesueshme vetëm për njerëzit me një abonim aktiv në PlayStation Plus. Lojërat do të bëhen falas në 3 shtator dhe do të vazhdojnë të jenë falas deri në 30 shtator. Lojtarët ende kanë pak kohë për të marrë Wipeout Omega Collection dhe Sniper Elite 4, përpara se ato ti kthehen çmimeve normale me ardhjen e shtatorit.