Lojërat e këtij muaji janë mjaft interesante
Lojërat e këtij muaji janë mjaft interesante
Ka ardhur koha për rotacionin e ri të lojërave në Xbox Games With Gold për muajin gusht. Games With Gold është një listë lojërash mujore që mund të shkarkohen falas nga kushdo që është anëtar i Xbox Live Gold. Lojërat për muajin gusht janë Gears of War4, Foza Motorsport 6, Torchlight dhe Castlevania: Lords of Shadow.
Është një miksim pak i çuditshëm i zhanrave, por gjithsesi ka më shumë variacion nga muajt e mëparëshëm. Me një third-person shooter, lojë garash, dungeon-crawler dhe action RPG të gjithë do të kenë se çfarë të shijojnë.
Gears of War 4 është vazhdimi i 2016s për seritë e gears of War. Këtu do të gjeni personazhe dhe armë të reja, si edhe një armik që do të kërcënojë paqjen e gjithë njerëzimit. Loja do të jetë e disponueshme për tu shkarkuar nga datat 1-31 gusht.
Forza Motorsport 6 pastaj nuk është loja më e re e Forza që ka dalë, por është ende një lojë garash e mrekullueshme. Loja është publikuar në 2015 dhe do të jetë e disponueshme për tu shkarkuar nga 16 gushti deri në 15 shtator.
Torchlight është një dungeon–crawler action RPG që kushdo që është fans i Diablo ose lojërave të tjera të ngjashme do ta pëlqejë. Kjo do të jetë e disponueshme nga datat 1-15 gusht.
Në fund pastaj kemi Castlevania: Lords of Shadows, një lojë aksion RPG që ka dalë që në 2010n. Ju do të merrni përsipër rolin e një gjuetari vampirash dhe duhet të sulmoni kështjellën e Lords of Shadow për të ringjallur gruan e vdekur të protagonistit. Kjo lojë do të jetë e disponueshme nga datat 16-31 gusht.
Nuk do ju mbetet edhe shumë për të pritur nëse jeni të interesuar për ndonjë nga këto lojëra, thjesht mbajini mend datat, që të mund ti shkarkoni në kohën e duhur.