Këto janë lojërat e ardhshme falas të Epic

Një tjetër javë po vjen drejt fundit dhe kjo do të thotë që mund t’i hedhim një sy përzgjedhjes së lojërave falas që sjell Epic Games Store. Këtë javë do të mund të merrni falas Into the Breach dhe pas një jave do të keni mundësi të merrni kopje të Railway Empire dhe Where the Water Tastes Like Wine.

Të dyja lojërat trajtojnë historinë e zgjerimit perëndimor të SHBA, por në dy përqasje plotësisht të ndryshme. Railway Empire nga njëra anë është një lojë tycoon-style management për Golden Age of Rail. Këtu ju jeni përgjegjës për punën që bëjnë industri të ndryshme, cilat trena dhe karroca duhet të blini etj. Që kur u lançua, zhvilluesi Gaming Minds Studios ka sjellë shumë DLC të cilat e kanë zgjeruar edhe më shumë lojën.

Where the Water Tastes Like Wine është një eksperiencë plotësisht tjetër pastaj. Në një anë mund të thuash se është një lojë aventurë e vendosur në periudhën e Depresionit të Madh në Amerikë, por në fakt thelbi i saj është që të ri tregojë disa nga historitë klasike të folklorit Amerikan.

Shikoni trailerin:

Historitë në vetëvetë janë hartuar nga një grupim autorësh të njohur, përfshirë këtu shkrimtarë si Cara Ellison, Austin Walker dhe Leigh Alexander. Ka edhe një paraqitje nga Sting, që është detaj interesant.

Railway Empire dhe Where the Water Tastes Like Wine do të jenë të disponueshme duke filluar nga data 10 shtator në 8:00 PDT / 11:00 EDT / 16:00 BST. Do të mund t’i gjeni ato në front page të Epic Games Store.