Nintendo Switch vazhdon të kryesojë në konsolat e shitura.
Nintendo Switch vazhdon të kryesojë në konsolat e shitura.
Gjatë janarit u lançuan dy prej titujve më të pritur të këtij viti, Kingdom Hearts III dhe remake i Resident Evil 2, të cilat, ashtu siç pritej, debutuan fuqishëm në Shtetet e Bashkuara. Sipas raportit të shitjeve të NPD Group, ato ishin lojërat më të shitura gjatë muajit të kaluara, të ndjekura nga Super Mario Bros. U Deluxe në vend të tretë.
Edhe pse NPD Group nuk publikon numrin e shitjeve, ata thonë se Kingdom Hearts III ishte loja më e shitur në SHBA gjatë janarit. Gjithashtu, shitjet totale të saj në dollarë ishin 2.5 herë më të larta se loja tjetër më e mirë e serisë, Kingdom Hearts II.
Resident Evil 2 ishte në vendin e dytë dhe në mënyrë të ngjashme arriti të shiste 2.8 herë më shumë se origjinalja, e cila u lançua në Playstation 1 në 1998. Ndërkohë, Super Mario Bros. Deluxe i ri arriti 30% më shumë shitje sesa titulli origjinal në Wii U, i cili u lançua bashkë me konsolën në 2012.
Ndërkohë që Kingdom Hearts ishte loja më e shitur, Nintendo Switch zuri vendin e parë si konsola më e shitur në shtetet e bashkuar muajin e kaluar, si në numra ashtu edhe në dollarë. Për më tepër, NPD thotë se Switch ishte e vetmja platformë e cila vazhdon të rritet me kalimin e viteve, dhe Switch Pro Controller ishte aksesori më i shitur gjatë muajit të kaluar.
Pavarësisht këtyre numrave, NPD raporton se shpenzimet për videolojërave janë ulur me 19% në krahasim me janarin e 2018. Megjithatë, ky nuk është një lajm tërësisht i keq, duke parë se janari i 2019 ishte janari i dytë më i mirë që prej janarit të 2013.