Kombinimet më të mira të armëve në lojë të cilat mund t’iu çojnë drejt fitores
Kombinimet më të mira të armëve në lojë të cilat mund t’iu çojnë drejt fitores
Apex Legends është një prej videolojërave Battle Royale ku njohuria mbi armët është tepër e domosdoshme për të fituar në lojë. Ju mund të mbani deri në 2 armë në këtë lojë dhe kombinimi i këtyre dy armëve mund të bej diferencën midis fitores dhe humbjes.
Secili mund të ketë armët e tij të preferuara por gjatë lojës jo gjithmonë mund t’i gjesh ato armë kështu që e vetmja zgjidhje është njohuria mbi çdo armë. Çdo sezon Apex Legends prezanton ndryshime të mëdha dhe ndonjëherë edhe armë të reja. Kjo gjë ndodh për të shmangur weapons meta-t (kombinim i fuqishëm armësh).
Disa nga kombinimet që kemi zgjedhur dhe që mendojmë se do t’iu çojnë drejt fitores janë:
Për këto dy armë mund të themi që janë dy prej armëve më të pëlqyera por njëkohësisht më të fuqishme sidomos në qoftë se kombinohen bashkë.
Kombinimi i R-301 me një scope 4x ose 3x do të kryente një mbulim të përkryer në reze mesatare bashkë me R-99 e cila një armë e shkëlqyer për çdo përballje nga afër do t’iu rris shumë shanset për të fituar. Një nga disavantazhet e këtij kombinimi është harxhimi i madh që këto dy armë bëjnë. Të dyja armët harxhojnë shumë Light Ammo dhe kjo gjë mund t’iu vendos here pas here në vështirësi.
Peacekeeper vetë ndoshta mund të jetë i fuqishme mjaftueshëm për çdo përballje nga afër dhe recoil-i i madh i Devotion mund t’iu vendos në disavantazh në reze të mëdha. Por ky kombinim mund t’iu hyj shumë në punë në qoftë se një kundërshtar iu vjen afër duke e vendosur atë në një pozicion të vështirë. Të dyja këto armë iu ofrojnë shumë fuqi, Devotion i cili mund ti bëj down kundërshtarët dhe Peacekeeper-i i cili do t’iu jap fund atyre është një strategji shumë e mirë për përballjet nga afër.
Nëse jeni një person që iu pëlqen të ruani distancën dhe të qëndroni të sigurt nga afër atëherë Kraber dhe R-99 mund të jetë zgjidhja e duhur. Taktika më e mirë që mund të ndiqni me të është që të bëni down kundërshtarët me Kraber dhe më pas t’i bëni finish me R-99. Gjatë lojës do të ishte mirë të mbani një 2x/1x scope për R-99 dhe ti përdorni në momentet kur rrethi fillon të ngushtohet.
R-301 e cila ka provuar se ka saktësi dhe mund të shkaktoj shumë dëme mund të kombinohet shumë mirë me Mastiff-in i cili edhe pse pësoi disa nerfs përsëri qëndron si një prej shotguns më të mirë në lojë i cili me disa goditje mund të bëj down kundërshtarin. Diçka që të jep avantazh me këtë kombinim është se ato përdorin ammo të ndryshme. Duke mbajtur gjithmonë me vete disa scopes të ndryshëm për çdo rast për R-301 mund t’iu ndihmojnë shumë në situata nga më të ndryshmet.
Wingman që prej fillimit të Apex Legends ka pësuar shumë nerfs por buff i fundit gjatë sezonit të 5 të kësaj loje e ka sjellë ketë pistoletë përsëri në qendër të vëmendjes. Duke e kombinuar Wingman me Skullpiercer Hop-up mund të kthehet në një armë shkatërrimtare për të gjithë ata që kanë një aim të mirë me të. R-99 mund t’iu hyj në punë gjithmonë në qoftë se kundërshtarët iu afrohen. Për aq kohë sa përdorni Wingman one-tap bashkë me R-99 për këdo që iu afrohet afër, mund të jeni të pandalshëm.
Kombinimi i VK-47 Flatline bashkë me Longbow DMR mund të jetë kombinimi i dy armëve me potencialin më të lartë në lojë. VK-47 Flatline shkakton më shumë dëme sesa R-301 por problemi i kësaj arme është recoil-i i vështirë që ka. Duke u praktikuar me këtë armë dhe duke e mësuar shumë mirë recoil-in e kësaj arme do t’iu jap një avantazh tepër të madh kundër çdo kundërshtari. Kurse përdorimi i Longbow DMR i cili është tepër preciz bashkë me fire rate e tij të lartë mund t’iu hyj në punë në largësi të mëdha. Për t’i përdorur të dyja këto armë kërkohet praktikë e madhe por pasi t’i mësoni ti përdorni, do të keni shanset më të mëdha për të fituar.
Pavarësisht kombinimeve të ndryshme që kjo lojë ofron është gjithmonë e rëndësishme të bëni kombinime të cilat mbulojnë çdo largësi në lojë. Është një disavantazh tepër i madh në qoftë se do të keni dy armë të cilat mbulojnë të njëjtën largësi.