Mbështesni GameON Albania duke përdorur kodin support-a-creator: GAMEONALBANIA
Po kerkoni për diamante në Free Fire Falas?! Klikoni këtu për të marrë pjesë në Giveaway për Free Fire Diamonds
Mundësitë janë të pafundme!
Ka mundësi të pafundme me këto kode në Fortnite Creative, dhe këto janë vetëm disa prej më të mirave. Nga hartat parkour dhe deathrun, ne harta ku mund të luash hapa-dollapa e madje dhe një muze mbi historinë e Fortnite, këta krijues hartash kanë shpenzuar orë të panumërta duke krijuar argëtim larg mode-it kryesor battle royale. Këto harta mund t’i luani në këtë moment, në të gjitha platformat. Më poshtë mund t’i gjeni ato të listuara:
Jesgran’s Deathrun – 1103-0256-3362
Deathruns sa vijnë e bëhen më popullore, dhe harta e krijuar nga Jesgran është mbase më mbresëlënësja. Deathrun-i i tij nis në majë të një vullkani të dekoruar nga një kafkë e ju duhet të gjeni rrugën tuaj deri në fund ndër “8 nivele drithëruese të ndërtuar në 400 orë“. Kjo është një kohë vërtet e gjatë për një hartë në Fortnite Creative, por kjo është vërtetë e paparë.
Hide & Seek Kitchen – 8237-2707-6085
Hide and Seek (ose hapa-dollapa shqip) është një koncept mjaft i thjeshtë, por jstKamui ka krijuar një kuzhinë dhe papafingo gjigande si mjedis, ndërkohë që ju jeni fare të vegjel e ju duhet të përdorni grapplers për të lëvizur nga dhoma në dhomë. Ka një ekip kërkuesish dhe një me lojtarë që fshihen që caktohen automatikisht, çka e bëjnë këtë hartë perfekte për shumë lojtarë.
Plumber Parkour – 5273-8887-4633
Të gjithë, por veçanërisht ne këtu në GameON e dashurojmë Super Mario Bros. Tanimë, keni mundësinë të luani një version 3D të Marios 2D në Fortnite, në hartën Plumber Parkour të JackTheRipperJM. Koncepti i Plumber Parkour është fare i thjeshtë. Duhet të kërcesh nga tubacioni në tubacion duke mbledhur monedha gjatë rrugës. Mund të gjesh edhe disa Chain Chomp gjatë rrugës, por ata janë dukshëm më të dobët se në lojën origjinale.
Mythological Museum – 2180-5642-0956
Historia e Fortnite ka qenë vërtet për t’u mbajtur mend, nga përplasja e meteorit të parë në ishull e deri te shfaqja e runave, të cilat po na përgatisin për fillimin e sezonit 9. Furrynenja nëpërmjet kësaj harte i ka përjetësuar të gjithë këto evente në një muze gjigand, i cili gjithashtu mund të përfshihet në The Block. Madje, brenda tij gjendet dhe koncerti i Marshmello!
Tony Hawk’s Pro Skater Warehouse – 1654-0324-7788
Nëse ju ka marrë malli për kohët e vjetra të Tony Hawk’s Pro Skater, provojeni këtë hartë. Sirbongsalot69x, edhe pse mbase nuk ka username-in më të bukur, duhet vlerësuar vërtet për aftësitë e tij në krijimin e kësaj magazine gjigande ku mund të gjesh pafund driftboards për të kërcyer në ajër. Thjesht mos kaloni nëpër tunelin me boost pads!
Fury Racing Snow Summit – 1731-2660-6859
Kjo është një hartë e thjeshtë, por e dizenjuar shumë mirë. Është një pistë garimi për Quadcrasher që mban deri në 6 garues në një pistë të shkurtër të mbuluar nga bora, me plot ndryshime terreni e kthesa të vështira. Ka gjithashtu dhe monedha që mund t’i mblidhni nësë po luani vetëm. A mund t’ja dilni mbanë e t’i mblidhni të tëra?
Jemi vërtetë të entuziazmuar për të parë se çfarë tjetër mund të krijojë komuniteti i Fortnite. Po ju?
