Mbështesni GameON Albania duke përdorur kodin support-a-creator: GAMEONALBANIA
Po kerkoni për diamante në Free Fire Falas?! Klikoni këtu për të marrë pjesë në Giveaway për Free Fire Diamonds
Ja çfarë rezervon e ardhmja për Overwatch.
Kur vjen puna te Overwatch, Blizzard ka një zakon që ti ri-lançojë eventet sezonale të tij, si puna e Halloween Terror, Summer Games dhe Lunar New Year përshembull. Ardhja e këtyre eventeve gjithmonë shoqërohet me gjëra të reja në lojë, ndaj fansat kanë gjithmonë diçka që mund të presin.
Çfarë pritet të vijë në lojë?
EVENTE
Eventi i përvitshëm i Overwatch për Halloween, Halloween Terror, filloi javën e shkuar. Ky i fundit do të vazhdojë deri në datë 4 nëntor, duke ju dhënë fansave më pak se tre javë për të luajtur Junkenstein’s Revenge dhe për të marrë sa më shumë skine që të munden, përpara se këto items të ikin.
Pasi Halloween Terror të mbyllet, eventi i rradhës i Overwatch me shumë mundësi do të jetë Winter Wonderland, eventi me tematikën e Krishtlindjeve.
HERONJ TË RINJ
Heronjtë e Overwatch zakonisht lançohen një herë në katër muaj dhe bëhen tease një muaj përpara publikimit. Sigma ju bashkua serverave në gusht, ndaj mund të themi me siguri se Blizzard do ju japë lojtarëve një pamje të Hero 32 muajin e ardhshëm.
Ka një listë të gjatë personazhesh në universin e Overwatch që mund të jenë heroi i ardhshëm i lojës, përfshirë këtu Echo, Mauga dhe Max. Gjithsesi, derisa Blizzard të japë ndonjë farë të dhëne, nuk mund të hamendësojmë.
Fansat mund të marrin të dhëna për heroin e ri edhe gjatë BlizzCon, që do të fillojë në datë 1 nëntor dhe do të vazhdojë deri në 3 nëntor. Në BlizzCon 2017 dhe 2018, Blizzard njoftoi respektivisht edhe Moira edhe Ashe.
A do të kemi një Overwatch 2?
Një hero i ri nuk është i vetmi thashethem që po qarkullon rreth BlizzCon 2019. Shumë burime kanë raportuar përgjatë vitit se një vazhdim për këtë first-person-shooter është në rrugë e sipër.
Overwatch 2 is very much real and will be announced at Blizzcon after the short cinematic.
— Metro (@Metro_OW) October 18, 2019
Së fundmi, streamer-i i Twitch, Metro, që kishte parashikuar ardhjen e Ashe në BlizzCon 2018, postoi në Twitter se vazhdimi i Overwatch do të kishte PvP, PvE dhe se do të zbulohej në BlizzCon të këtij viti. Është ende herët për të thënë nëse informacioni është i vërtetë, por fansat do i marrin të gjitha përgjigjet e tyre kur BlizzCon 2019 të fillojë javën e ardhshme.
