Mbështesni GameON Albania duke përdorur kodin support-a-creator: GAMEONALBANIA
Po kerkoni për diamante në Free Fire Falas?! Klikoni këtu për të marrë pjesë në Giveaway për Free Fire Diamonds
Përgjatë dekadës së fundit streaming është bërë një biznes më vete. Ndërmjet Twitch, Mixer dhe sigurisht YouTube, streamer-at kanë sjellë fitime masive. Në fakt nga data 1 qershor 2018 deri në 1 qershor 2019, top 10 streamerat më të mëdhenj në YouTube sollën rreth $126 milionë, të kombinuara.
Tani që jemi në prag të mbylljes së vitit, Forbes ka përllogaritur një listë me personat që kanë fitimet më të mëdha në platformë dhe kjo e fundit mban një mix të larmishëm mes gamer-ave, fëmijëve, ekspertëve të makeup-it etj. Sipas Forbes lista përllogarit jo vetëm fitimet nga shitjet, ads dhe sponsorat, por edhe nga merchandise.
- Ryan Kaji
- Dude Perfect
- Anastasia Radzinskaya
- Rhett and Link
- Jeffree Star
- Preston
- PewDiePie dhe Markiplier (barazim)
- DanTDM
- VanossGaming
Në krye të listës për këtë vit, Ryan Kaji është bërë shpejt një emër i dëgjuar në YouTube. Kanali me review të lodrave i tetë vjeçarit ka më shumë se 23 milionë subscribers. Ky sukses i ka sjellë atij linjën e tij personale të lodrave dhe edhe një videolojë. Race With Ryan u lançua në nëntor në PlayStation 4, Xbox One, Nintendo Switch dhe Microsoft Windows.
Suksesi i Fortnite dhe Minecraft gjithashtu ka sjellë numra të mëdha për njerëzit që i trajtojnë ato dhe kjo gjë reflektohet edhe në listën e Forbes. PewDiePie, Preston, DanTDM dhe VanossGaming kanë bërë stream një ose të dyja lojërat. Është interesante të shohësh se sa do të zgjasin këto lojëra në YouTube, por për tani, interesi në Fortnite dhe Minecraft mbetet shumë i lartë.
Kjo listë është e sigurtë që do të ndryshojë vitin e ardhshëm, për një numër të ndryshëm arsyesh. Një prej tyre sigurisht është fakti që PewDiePie ka vendosur të marrë një pushim nga YouTube në 2020ën. Ndoshta lista e vitit të ardhshëm do të ketë një top 10 komplet të ndryshme.
