Nuk mund të mungonte Yasuo në këtë listë
Nuk mund të mungonte Yasuo në këtë listë
Pas një sezoni mjaft argëtues ranked në League of Legends, janë zbuluar pesë kampionët të cilët dalin më shpesh AFK në lojëra. Në këtë listë ka disa emra të cilët nuk priteshin, por ka dhe disa të tjerë të cilët të gjithë e dinin që do të ishin pjesë e saj.
Braum është në krye të listës duke dalë në 2.29% të lojërave AFK. Ai ndiqet nga Yasuo me 1.79% dhe Master Yi me 1.74%. Në vend të katërt dhe të pestë kemi Nasus me 1.72% dhe Kayn me 1.7% sipas League of Graphs.
Braum dhe Nasus janë padyshim emrat më surprizues të kësaj liste, sepse ata shpesh nuk perceptohen si kampiona për lojtarë toksikë dhe që acarohen shpejt. Braum gjithashtu ka vetëm 1.5% pick rate, gjë e cila mund të ndikojë deri diku në këto shifra.
Kampionët e tjerë ndërkohë nuk janë dhe aq surprizë për komunitetin e League of Legends. Yasuo në veçanti, por edhe Kayn dhe Master Yi, janë sinonimi i lojtarëve toksikë dhe kanë kohë që kanë një reputacion negativ në League of Legends. Shumë njerëz kanë hasur Yasuo që dalin AFK pasi shkojnë 1/5 në lane ose Master Yi që i marrin 2 vrasje dhe del menjëherë AFK.
Në anën tjetër të spektrit, kampionët të cilët dalin AFK më rrallë janë Nami, Corki, Ivern, Xerath dhe Orianna me 0.91%. Shumica e këtyre kampionve janë të lehtë për t’u luajtur ose janë ende të dobishëm edhe kur mbeten mbrapa.