Fenomeni i WoW Classic nuk ndalon.
Fenomeni i WoW Classic nuk ndalon.
Kur World of Warcraft Classic u lançua këtë javë, lojtarët e gjetën veten në rradhë të gjata pritjeje. Për të shtyrë kohën gjatë mbajtjes së rradhës, disa njerëz filluan të luanin lojëra të tjera, disa vazhduan rutinën e zakonshme të jetës së tyre dhe disa të tjerë sajuan një zgjidhje më adulte për problemin.
Në pikën kur rradhët ishin në kulmin e tyre, disa rradhë madje i kërkonin lojtarëve të prisnin gjashtë orë për tu futur në lojë, në Pornhub po bëhej nami. Si duket ardhja e WoW kishte patur ndikim edhe në faqe të tjera të internetit.
Në Pornhub, pas lançimit të World of Warcraft Classic, kërkimet për fjalën ‘Warcraft’ ishin rritur me 210% në krahasim me normën e tyre. Kjo bëhet fjalë për të hënën e 26 gushtit, dita kur loja u lançua.
Fatmirësisht kohët e pritjes janë ulur ndjeshëm në lojë, madje Blizzard edhe ndërhyri për ta rregulluar situatën duke rritur kapacitetin e serverave. Gjithsesi interesi i njerëzve në Pornhub për Warcraft nuk është ulur me të njejtin ritëm. Dy ditë pas lançimit të lojës dhe kërkimet ishin prapë 120% mbi normën.
Kjo nuk është hera e parë që ardhja kaq e bujshme e një loje të ketë rritur dhe interesat në vende të tjera të internetit. Një situatë e ngjashme erdhi edhe me lançimin e Red Dead Redemption 2, kur njerëzit krejt papritur filluan të kishin interes më shumë se ç’duhej për Perëndimin e Egër.
Të njejtën gjë mund ta themi edhe për Overwatch dhe Fortnite, që pati nderin ti rrëmbente vendin e parë paraardhëses në kërkimet e emrit në faqe për të rritur. WoW nuk është ende në atë pikë, por duke parë suksesin që ka patur Classic, do të thonim që çdo gjë është e mundur.