Pas lajmit që xhirimet për filmin e ri të Mortal Kombat do të fillonin këtë vit në Australi, Warner Bros ka vendosur një datë për ardhjen e filmit. Pritja jonë do të zgjasë deri në 5 Mars të 2021.
Se çfarë do të bëhej ekzaktësisht me këtë reboot ishte e paqartë, deri kur u njoftua se filmi do të xhirohej dhe prodhohej në Australi. Do të jetë ky filmi me përmasat më të mëdha që është bërë ndonjëherë në atë vend.
Regjizori Australian, Simon McQuoid dhe skenaristi Greg Russo janë të përfshirë, sado që rreth linjës historike nuk kemi ende asnjë informacion. Russo gjithashtu ka shkruajtur reboot-in e Resident Evil dhe momentalisht po punon edhe me një adaptim të Saints Row.
Fansat e lojës janë super të emocionuar me lajmin e ardhjes së filmit, por duhet ta pranojmë që deri në 2021, do të kenë një rrugë të gjatë pritjeje para.