Mbështesni GameON Albania duke përdorur kodin support-a-creator: GAMEONALBANIA
Po kerkoni për diamante në Free Fire Falas?! Klikoni këtu për të marrë pjesë në Giveaway për Free Fire Diamonds
“Ne flasim me të për thuajse çdo film që bëjmë.”
Kenanu Reeves dhe Marvel Cinematic Universe janë bërë për të qenë me njëri-tjetrin. Sado që Marvel nuk para zgjedh aktorë që janë tashmë yje të mëdhenj të industrisë, personi që brenda këtij viti ka qenë protagonist në John Wick 3, na ka mahnitur me paraqitjen në E3 gjatë Cyberpunk 2077 dhe ka marrë rolin e Duke Caboom në Toy Story 4, është vënë shpesh në kontakt me Kevin Feige dhe Marvel Studios. Kevin është njeriu që pak a shumë bën ligjin te Marvel. Gjithsesi duket se Marvel ende nuk e ka gjetur rolin e duhur për të.
Kevin u pyet për ardhjen e Keanu Reeves në MCU gjatë një interviste dhe përgjigjia e tij ishte: “Ne flasim me të për thuajse çdo film që bëjmë.” Imagjinoni pak aktorin e Matrix në rolin e ndonjë personazhi që tashmë është në MCU. Keanu si Hawkeye përshembull.
Sado që Reeves nuk duket shumë i entuziasmuar për t’ju bashkuar kastit të Marvel, Fiege vazhdon të ketë shpresa duke thënë se: “Ne flasim me Keanu Reeves për tju bashkuar MCU. Nuk e di se kur ose nëse do i bashkohet, por duam të gjejmë mënyrën e duhur për ta bërë këtë gjë.”
Pra ndoshta një ditë, do të fluturojnë gomerët dhe Keanu Reeves do ta sjellë figurën e tij në fazën e 4 të Marvel. Thashethemet e fundit sugjerojnë se Reeves mund të zërë një rol te The Eternals, por për momentin asgjë nuk është konfirmuar.
