Anëtarët e komunitetit të Fortnite vazhdimisht vijnë me ide të reja, por jo çdo ditë ndodh që këto ide të vihen në lojë. Koncepti që do të mbahet mend gjithmonë do të jetë ai i Tender Defenderit i dizenjuar nga një 10 vjeçar. Sidoqoftë duket se një tjetër ide nga Reddit do të bëhet realitet në sezonin e shtatë v7.00. Një kazëm akulli gjen hyrjen e saj në lojë.
Në tetor një përdorues i quajtur ‘snabobo’ nga Reddit solli konceptin e kazmës ‘Cold To The Touch’. Nga v7.00 duket se kazma ‘Icice’ është identike.
Një nga lojtarët që mund të mos jetë shumë i habitur nga kjo hyrje në Fortnite është përdoruesi ‘snabobo’ i cili konfirmoi në Reddit se ishte kontaktuar nga Epic. Ai u shpreh: “Unë krijoj ide të bazuara në gjërat që do më pëlqente ti shikoja në lojë. Çdo gjë është në rregull sepse u kontaktova dhe më thanë që ishte nga ideja ime. Tani mund ta bëj gjumin rehat.”
Me Epic që po merr për bazë idetë e përdoruesve të tij, ky duket si momenti perfekt për të qenë një artist i Fortnite.