Shtohen zërat e një rikthimi të kastit origjinal për një projekt të ri.
Shtohen zërat e një rikthimi të kastit origjinal për një projekt të ri.
Para disa muajsh, u njoftua se një film mbi Breaking Bad, një ndër serialet më të vlerësuar të viteve të fundit, do të fillonte të xhirohej. Filmi do të shërbente si sequel e do të ngrihej mbi ngjarjet e episodit të fundit të serialit, duke pasur Jesse Pinkman, të luajtur nga Aaron Paul si personazh kryesor. Por, informacionet e fundit që vijnë nga bota e kinematografisë tregojnë se mjeshtri Vince Gilligan, regjizori i Breaking Bad, por edhe spin-off-it Better Call Saul, dëshiron të sjellë sërish së bashku për xhirimin e filmit kastin origjinal të Breaking Bad.
Burime të ndryshme e raportojnë këtë informacion, duke zbuluar gjithashtu edhe emrin e koduar të filmit: Greenbrier. Ndër aktorët të cilët duket e do të jenë pjesë e filmit, do të jenë Krysten Ritter (Jane Margolis), Jonathan Banks (Mike), Charles Baker (Skinny Pete), Jesse Plemons (Todd), Matt Jones (Badger) Tess Harper (Mrs. Pinkman), Robert Forster (Ed, the Disappearer) e në fund po sigurisht jo nga rëndësia, Bryan Cranston në rolin e Walter White. Duket se tema e filmit do të jetë ‘ndjekja e rrugëtimit të një personi të rrëmbyer dhe kërkimin me mund të lirise’. Kuptohet fare lehtë se ‘personi i rrëmbyer nuk është askush tjetër përveçse Jesse Pinkman.
Këto duket se janë zërat e parë të cilët konfirmojnë se Heisenberg do të jetë pjesë e filmit të ri e se Gilligan ka gjetur një mënyrë për t’a bërë personazhin kryesor të serialit pjesë të filmit. Duket shumë e mundshme se ne do t’a shohim atë së bashku me të dashurën e Jesse-t kur ai të ketë flashbacks për ngjarje të mëparëshme, duke marrë parasysh faktin se Walter White vdiq në episodin e fundit të serialit. Megjithatë, edhe pas fundit tragjik, vetë Cranston ka konfirmuar më herët se padyshim do t’i pëgjigjej një thirrjeje të Giligan për të qenë ylli i një filmi të ri.
Ne, si shumë fansa të Breaking Bad shpresojmë se zërat do të konfiromohen e se rikthimi i kastit origjinal do të zyrtarizohet. Deri atëherë, na mbetet vetëm të presim në ankth!