Mbështesni GameON Albania duke përdorur kodin support-a-creator: GAMEONALBANIA
Po kerkoni për diamante në Free Fire Falas?! Klikoni këtu për të marrë pjesë në Giveaway për Free Fire Diamonds
Qeveria e Irakut është e shqetësuar për ndikimet negative që lojërat kanë mbi rininë.
Qeveria e Irakut ka votuar për ndalimin e lojërave të famshme battle royale si Fortnite dhe PUBG, prej influencës dëmtuese që ato sjellin në shoqërinë e tyre. Një raportim shpreh se vendimi fut në fuqi si pasojë e efekteve negative që videolojërat shkaktonin në shëndet, kulturë dhe sigurinë e shoqërisë së Irakut, duke kërcënuar kështu shëndetin mendor dhe moral të fëmijëve e të rinjve.
Moqtada al-Sadr, ish kreu i Mahdi Army, u shpreh se PUBG krijon shumë varësi dhe i bëri thirrje qeverisë që ta ndalonte javën e shkuar.
“Çfarë fiton nëse vret një ose dy njerëz në PUBG? Nuk është një lojë inteligjente dhe as një lojë ushtarake që të mëson si të luftosh në mënyrën e duhur,” shkroi al-Sadr në një deklaratë të publikuar javën që lamë pas.
Reagimi i njerëzve të prekur nga ky ndalim ishte tepër negativ dhe si duket jo për faktin që nuk do luajnë më Fortnite dhe PUBG, por për faktin se Iraku e shikon këtë ndalim të lojërave si një shenjë që qeveria e tyre ka prioritete krejt të gabuara, në raport me të gjitha problemet më reale që po ndodhin në atë vend. Dëbimi i lojërave në Irak vjen pak pasi PUBG u ndalua në Nepal. Gjithsesi Fortnite nuk u prek aty.
Duket sikur kemi të bëjmë me një kaos të lojërave battle royale në vendet e Azisë Juglindore. Është e vërtetë se çdo gjë me tepri është e gabuar, por të qenë të sinqertë edhe masat e marra për ta parandaluar fenomenin janë pak të ekzagjeruara dhe imponuese.
