Albumi i Kanye West “Donda 2” do të dëgjohet vetëm në Stem Player

Kanye West thotë se fansat nuk do të jenë në gjendje të dëgjojnë albumin e tij të ardhshëm në Spotify, Apple Music, Amazon Music ose YouTube Music. Ai planifikon të lançojë Donda 2 ekskluzivisht në Stem Player-in e tij prej 200 dollarësh, një pajisje që i lehtëson përdoruesit për të miksuar muzikën.

“Sot, artistët marrin vetëm 12 % të parave që prodhon industria”, shkroi West në Instagram, i cili pretendoi se refuzoi një marrëveshje prej 100 milionë dollarësh nga Apple. “Është koha për të çliruar muzikën nga ky sistem shtypës. Është koha për të marrë kontrollin dhe për të ndërtuar tonën.”

Megjithatë, fansat e tij mund të mos e kenë të lehtë të dëgjojnë Donda 2 legalisht. West tha se 67,000 njësi të Stem Player janë aktualisht në dispozicion, megjithëse 3,000 të tjera po prodhohen çdo ditë.

Pajisja mund të përdoret si një music player normal siç synonte artisti. Ata që duan të luajnë me këngë mund të kontrollojnë volumin në katër këngë ose kolona të ndryshme. Me Donda 2, thotë West, përdoruesit do të jenë në gjendje të luajnë vetëm vokal, bateri, bas ose samples, ose ndonjë kombinim të tyre. Stem Player gjithashtu i lejon përdoruesit të shtojnë efekte dhe të krijojnë loops që mund t’i kthejnë, përshpejtojnë ose ngadalësojnë. Përdoruesit mund të ngarkojnë këngë të tjera në pajisje përmes faqes së internetit të Stem Player.

West solli albumin e tij të fundit, Donda, në Stem Player, por ai është i disponueshëm për t’u dëgjuar edhe diku tjetër. Megjithatë, nuk është e pamundur të imagjinohet që albumi të përfundojë në platforma të tjera më vonë.