Mbështesni GameON Albania duke përdorur kodin support-a-creator: GAMEONALBANIA
Po kerkoni për diamante në Free Fire Falas?! Klikoni këtu për të marrë pjesë në Giveaway për Free Fire Diamonds
Një çmim ky mëse i kripur
Sony ka ende shumë gjëra për të zbuluar mbi konsolën e saj të ardhshme, por kjo nuk i ka ndaluar lojtarët që ta bëjnë pre-order në MediaMarkt të Suedisë.
Të interesuarit mund ta porosisin konsolën e gjeneratës së ardhshme të Sony për 9999 SEK që afërsisht i bie diku te $1050. Detaje të mëtejshme për konsolën mungojnë, por listimi përfshinte disa parametra që kanë qarkulluar lart e poshtë për pajisjen.
Në bazë të çmimit, duket se shitësi thjesht ka hapur një faqe për konsolën e gjeneratës së ardhshme. Mark Cerny i Sony ka thënë më herët gjatë njoftimeve të tij këtë vit se çmimi i konsolës do të jetë i këndshëm në versionin e avancuar të saj. Me tipare të avancuara ose jo, shumë pak gamera do të jenë të gatshëm të paguajnë më shumë se $1000 për një konsolë.
PlayStation 5 nuk do të jetë një upgrade i thjeshtë në krahasim me PS4 e Sony. Cerny e zbuloi vetë këtë në intervistën ku e deklaroi zyrtarisht PS5. Ai u shpreh se ndryshimet do të ishin radikale dhe se do të ndryshonin të gjithë mënyrën se si ne luajmë. Sistemi do të ketë një procesor AMD Ryzen të gjeneratës së tretë me tetë core nga 7nm Zen 2 Michroarchitecture dhe do të mbështesë edhe Ray-Tracing.
Krahas të gjitha këtyre një pjesë shumë e veçantë për konsolën e Sony do të jetë një SSD e veçantë që do ti reduktojë ndjeshëm loading times. Disa prej zhvilluesve kanë thënë se konsola do të jetë fantastike dhe se APU e PS5 do të ofrojë performancë edhe më të mirë se NVIDIA GTX 1080 GPU.
Më shumë detaje mbi PlayStation 5 priten të zbulohen në Gamescom që do të mbahet në datat 20-24 gusht në Gjermani.
