Leak-u më i fundit për Galaxy S11 e konfirmon këtë gjë
Leak-u më i fundit për Galaxy S11 e konfirmon këtë gjë
Përpara zërave të shumtë, renders të telefonit dhe raportimeve të shumta, thuhej se Galaxy S11 do të sillte një kamer për të cilën ja vlente pritja. Një prej opsioneve të reja që na entuziazmon më shumë është fakti se Galaxy S11 pritet të regjistrojë video në 8K dhe 30 fps. Kjo veçori u zbulua më herët në aplikacionin Samsung Camera dhe sipas burimeve anonime thuhet se do të jetë një prej veçorive të reja të Samsung Galaxy S11.
Përtej faktit se Galaxy S11 pritet të ketë një kamera 108MP me 5x optical zoom, raportohet se regjistrimi i videove në 8K dhe 30 fps do të jetë një prej veçorive që do të vijnë në kameran e Samsung Galaxy 11.
Shumica e leaks deri më tani përshtaten me këtë informacion. Për shëmbull, Exynos 990 që do të përdoret në Samsung Galaxy S11 suporton regjistrimin e videove 8K dhe këtë gjë e bën gjithashtu edhe Snapdragon 865. Megjithatë, Samsung Galaxy S11 nuk është telefoni i parë që regjistron në 8K. Ky titull i përket ZTE Nubia Z20, i cili ka një ekran nga të dyja anët e telefonit. I vetmi ndryshim është fakti që regjistrimi në 8K nuk bëhet në 30 fps, por vetëm në 15 fps.
Duke parë rrezikun që po i kanoset nga konkurrentët si Huawei dhe Apple, Samsung duhet të rikthejë disa prej përdoruesëve të humbur me Galaxy S11. Pritet që Samsung të zbulojë versionin e ri në shkurt të 2020.