Mixer ende ka shumë punë për të bërë
Mixer ende ka shumë punë për të bërë
Kur Tyler “Ninja” Blevins firmosi një marrëveshje ekskluziviteti me Mixer në gusht, disa pyetën veten nëse kjo marrëveshje mund të ulte diferencën midis Twitch dhe platformave të tjera të streaming. Megjithatë, duket se edhe me një personalitet kaq popullor si Ninja, diferenca midis Twitch dhe Mixer vetëm është rritur.
Midis katër platformave kryesore të streaming për lojëra, Mixer në fakt ndodhet në vend të fundit për orët e para gjatë Q3 të 2019, sipas një raporti të përpiluar nga Arsenal.gg dhe StreamElements. Ai e vendos Mixer jo vetëm mbas Twitch, por edhe mbas YouTube dhe Facebook Gaming në orët e para.
Pas muajit të tij të parë në këtë platformë, Ninja ka mbajtur të njëjtat shifra si në Twitch, duke tërhequr më shumë se 70,000 shikues, por duket se ky është një rast i izoluar dhe nuk ka pasur një rritje të shikueshmërisë tek streamer-at e tjerë të kësaj platforme.
Mixer ka 3.2% të tregut të streaming bazuar tek orët e para me 29 milionë orë gjatë shtatorit, kjo është një rënie e madhe prej 40 milionë në gusht, por YouTube Gaming dhe Twitch gjitashtu kanë pasur rënie të tilla.
Shtatori është zakonisht një muaj i dobët për shikueshmërinë në platformat streaming, pasi grupmosha 13-18 vjeç rikthehet në shkollë. Siç është janari një muaj i vdekur për fitimet nga reklamat në YouTube, e njëjta gjë ndodh me shtatorin në Twitch.
“Edhe pse zakonisht shohim një rënie në shikueshmëri nga gushti në shtator, ka disa zhvillime mjaft interesante në hapsirën e streaming,” – tha CEO i StreamElements Doron Nir. “Për shëmbull, kalimi i Ninja në Mixer nuk ishte aq i suksesshëm sa pritej kur krahason shtrirjen e tyre në treg me atë të Twitch.”
I vetmi shërbim që pati rritje gjatë kësaj periudhe ishte Facebook, pasi reklamat dhe infrastruktura e përmirësuar i kanë shtyrë njerëzit drejt platformës së gjigandit të rrjeteve sociale. Rritja ishte 53.4 milionë orë në krahasim me 37 milionë muajin e kaluar, duke qënë muaji i tretë rradhazi në rritje.
Facebook Gaming tani ka 3.7% të tregut ndërkohë që YouTube ka rënë në 17.6%. Twitch vazhdon të jetë dominant duke pasur 75.6% të orëve të para, pra 777.5 milionë orë vetëm gjatë shtatorit.
Pavarësisht rënies, shifrat e Mixer mbeten ende shumë të larta në krahasim me Q3 vitin e kaluar. Numri i orëve është dyfishuar nga 14 milionë orë në shtatorin e 2018 në më shumë se 29 milionë në vetëm 12 muaj.