Coronavirus ka qenë në mendjen e të gjithëve përgjatë javëve të fundit dhe sëmundja ka lënë një impakt të thellë në industrinë e filmave. Kinematë janë mbyllur thuajse në të gjitha vendet e botës dhe do të vazhdojnë të mbeten të mbylluara për disa muaj.
Kalendarit të filmave të 2020 nuk ju desh shumë që të alternohej për shkak të këtyre rrethanave. Filma si No Time to Die dhe Wonder Woman 1984 u tërhoqën nga datat e premierës në verë dhe i kaluan ato në dimër. Gjithsesi shumë filma të tjerë u shtynë pa një datë kokrete. Në këtë listë kemi emra si Black Widow, Mulan, A Quiet Place Part II etj.
Filmat që do të vinin në vitin e ardhshëm ishin tashmë shumë të anticipuar dhe kjo listë është rritur me filmat e 2020s që kanë patur vonesa për shkak të coronavirusit. Prapëseprapë shumë filma të programuar për 2020 mund të mos vijnë në datat e njoftuara, pasi prodhimi dhe xhirimet e tyre janë mbyllur. Momentalisht ja se si duket kalendari i filmave për 2021:
Peter Rabbit 2: The Runaway – 15 janar
Peter Rabbit 2: The Runaway i Sony është një rast i rrallë kur një film vonohet dy herë prej coronavirus. Pasi e shtyu datën e premierës nga prilli i 2020 në gusht të 2020s, studioja së fundmi vendosi ta shtyjë vazhdimin me disa muaj të tjerë. Peter Rabbit 2: The Runaway tashmë do të vijë në 15 janar 2021 dhe do të sjellë rikthimin e Rose Byrne, Domnhall Gleeson dhe zërin e James Corden.
Shang-Chi And The Legend Of The Ten Rings – 12 shkurt
Planet e Marvel për të lançuar Shang-Chi and the Legend of the Ten Rings në 12 shkurt të 2021 ende nuk kanë ndryshuar. Pasi filloi produksionin në Australi në fillimin e 2020s, të gjitha xhirimet kanë ndaluar. Fillimisht produksioni u mbyll pasi regjizori Destin Daniel Cretton u testua për COVID-19 dhe doli negativ. Gjithsesi filmi ishte në grupin e filmave të Disney që nuk u lejuan më të vazhdonin me filmimet. Momentalisht është i preogramuar për në shkurt të 2021, por kjo mund të ndryshojë nëse ekipi nuk vazhdon dot punën së shpejti me xhirimet.
Ghostbusters: Afterlife – 5 mars
Në vend të premierës në verën e 2020s, Sony e ka shtyrë Ghostbuster: Afterlife në 5 mars të 2021. Nën regjinë e Jason Reitman, filmi vazhdon dekada pas Ghostbusters 2 dhe do të ketë disa antarë të kastit origjinal të Ghostbusters në role të vogla. Filmi sjell në ekran emra si Carrie Coon, Finn Wolfhard, McKenna Grace dhe Paul Rudd.
Morbius -19 mars
Sony ka rënë dakord për ta shtyrë Morbius disa muaj më vonë, tashmë me një datë premiere të planifikuar për 19 mars 2021. Filmi me Jared Leto mendohej të vinte nga fundi i verës këtë vit, por në vend që të priste për të parë nëse korriku do të ishte muaj i përshtatshëm, Sony vendosu që t’i luante gjërat në mënyrë të sigurtë me Morbius dhe shumë filma të tjerë gjatë kësaj vonese.
Tomb Raider 2 -19 mars
Tomb Raider gjithashtu është shtyrë për datën 19 mars 2021. Alicia Vikander do të rikthehet për të marrë rolin e Lara Croft në vazhdimin me Ben Wheatley si regjizor. Tomb Raider 2 ende nuk ka filluar me produksionin dhe nuk ka patur asnjë raportim se është ndikuar nga coronavirus, por duke qenë se filmimi supozohet të fillonte në fillimin e 2020s, ka shumë gjasa që as Tomb Raider 2 nuk do e kapi dot datën e paramenduar.
F9 – 2 prill
Mënyra se si Universal përballoi premierën e F9 ishte më drastikja nga të gjitha deri më tani. Filmi fillimisht ishte programuar për të ardhur në prill të 2020s, por studioja e shtyu datën me plot një vit për shkak të coronavirus. Meqë marketingu i F9 ka filluar kjo vonesë 1 vjeçare do i japë kohë regjizorit Justin Lin për ta mbaruar filmin. kjo gjë gjithashtu nënkupton se F9 mori datën e 4 prillit të 2021, që më parë ishte parashikuar për Fast & Furious 10.
Doctor Strange In The Multiverse Of Madness – 7 maj
Marvel Studios është duke shpresuar që coronavirus nuk do të ndikojë në Doctor Strange in the Multiverse of Madness. Me Sam Raimi në vendin e regjizorit, Doctror Strange 2 supozohet të fillojë filmimet këtë verë. Benedict Cumberbatch rikthehet për të marrë rolin e Strange dhe Elizabeth Olsen si Wanda Maximoff ose Scarlet Witch. Planet për publikimin e filmin mund të ndryshojnë, por momentalisht nuk është njoftuar ende asgjë.
The Matrix 4 – 21 maj
Warner Bros ende nuk e ka ndryshuar datën e lançimit të The Matrix 4, por ka gjasa që mund të mos vijë në 21 maj të 2021. Prodhimi i filmit filloi më herët këtë vit me Keanu Reeves, Carrie Anne-Moss dhe Yahya Abdul-Mateen II, por xhirimet janë ndaluar. Kjo nënkupton se ka shumë gjasa që data fillestare e planifikuar të vonohet.
John Wick: Chapter 4 – 21 maj
Shpresat e Lionsgate për të sjellë John Wick 4 në 21 maj të 2021 duken tepër të ekzagjeruara. Gjasat që filmi të kapë këtë datë lançimi ishin të diskutueshme, pasi The Matrix 4 gjithashtu njoftoi të njejtën datë, por vonesa e Keanu në atë film do të ndikojë edhe këtu. Duke qenë se ai nuk mund të fillojë filmimet me John Wick derisa të ketë mbaruar me Matrix, është thuajse e garantuar që edhe në këtë rast do të kemi një vonesë.
Cruella – 28 maj
Disney nuk duhet të ketë ndonjë problem të ruajë datën e 28 majit të 2021 për Cruella. Filmi me Emma Stone si Cruella de Vil, fillimisht duhet të publikohej në fundin e 2020s, por më tej u shty për në verën e 2021. Me produksionin që ka mbyllur punë që më parë, Cruella nuk duhet të ketë vështirësi në ruajtjen e datës së premirës.
Jurassic World: Dominion – 11 qershor
Jurassic World: Dominion është parashikur të bëjë rikthimin e tij në 11 qershor të 2021. Chris Pratt dhe Bryce Dallas Howard rikthehen si protagonistë, ndërkohë që veteranët e serive Sam Neill, Jeff Goldblum dhe Laura Dern gjithashtu janë konfirmuar se do të jenë prezent. Produksioni u mbyll për shkakt të coronavirus pak javë pasi filloi. Regjzori i filmit, Colin Trevorroe ka thënë se po përpiqen të bëjnë gjithçka që munden nga shtëpia, për të ruajtur ritmin e zhvillimit të filmit.
The Batman – 25 qershor
Reboot-i i shumëpritur i Warner Bros, The Batman me Robert Pattinson është programuar të lançohet në 25 qershor të 2021. Produksioni në filmin e Matt Reeves nisi në fillimin e 2020s dhe mundëm të shikonim edhe foto të Pattinson në kostumin e Batman, por me xhirimet që kanë ndaluar për shkak të coronavirus, ka gjasa që The Batman nuk do e kapi dot këtë datë.
Minions: The Rise Of Gru – 2 korrik
Pas zhvendosjes së Minions: The Rise of Gru nga data e korrikut të 2020, Illumination e shtyu filmin për në 2021. Data e re për të është 2 korrik 2021, gati një vit më vonë nga planifikimi fillestar. Ky lajm erdhi pasi Illumination tha se animimi nuk mund të përfundohej në kohë për shkak të coronavirus.
Spider-Man 3 – 16 korrik
Marvel Studio dhe Sony e kanë planifikuar rikthimin e Spider-Man në kinema në 16 korrik 2021. Filmi ende i patitulluar i Spider-Man 3 me Tom Holland si protagonist ende është duke plotësuar stafin e tij dhe mund t’ja dalë të filmojë në verë, siç ishte planifikuar fillimisht.
Space Jam 2 – 16 korrik
Warner Bros e ka planifikuar Space Jam 2 për në datën 16 korrik 2021 me LeBron James në rolin e protagonistit. Produksioni i tij filloi në 2019, përpara se të fillonte sezoni 2019-2020 i NBA. Ende nuk dihet nëse James ka ende punë për të mbyllur me filmin gjatë verës. Me NBA që u anullua, orari i James ka për të ndryshuar drastikisht. Nëse kjo do të ndikojë në Space Jam 2 mbetet të presim dhe ta shohim.
Mission: Impossible 7 – 23 korrik
Tom Cruise do të rikthehet si Ethan Hunt në Mission: Impossible 7 në 23 korrik të 2021. Vazhdimi gjithashtu sjell emra si Rebecca Ferguson, Hayley Atwell dhe Nicholas Hoult. Gjithsesi, produksioni është mbyllur për shkak të coronavirus. Filmi do të mbajë xhirime përgjatë Europës, diçka që tani është shumë e komplikuar për tu arritur. Paramonut ende nuk ka njoftuar ndonjë vonesë për datën e ardhjes së filmit, por në raste të tilla ky gjithmonë ekziston si opsion.
The Suicide Squad – 6 gusht
Kalimi i James Gunn në DC do të shihet kur Suicide Squad të vijnë në kinema në 6 gusht 2021. Produksioni i filmit filloi në 2019 dhe u mbyll në fillimin e 2020, duke i dhënë Gunn dhe ekipit të tij plot kohë për t’i mbyllur gjërat deri në gushtin e ardhshëm. Kasti përfshin rikthimin e Margot Robbie si Harley Quinn dhe Jai Courtney, bashkë me emra të tjerë si John Cena dhe Idris Elba.
Uncharted – 8 tetor
Uncharted me Tom Holland u përball me një tjetër pengesë për shkak të coronavirus dhe si rezultat është dhtyre për në fundin e 2021. Produksioni u mbyll në ditën e parë që Holland erdhi në setin e xhirimit. Filmi tani parashikohet të vijë në 8 tetor të 2021 me Mark Whalberg që do ta shoqërojë Holland në ekran.
Thor: Love And Thunder – 5 nëntor
Marvel Studios e ka programuar Thor: Love and Thunder për në datë 5 nëntor të 2021. Ende nuk ka shenja që produksioni i filmit do të vonohet, pasi xhirimet janë planifikuar të fillojnë më vonë gjatë këtij viti. Por ka mundësi që Thor 4 të mos e kapi dot këtë datë nëse ndryshohet rendi i Fazës së 4 të Marvel.
Fantastic Beasts 3 – 12 nëntor
Warner Bros do i rikthehet Wizarding World kur Fantastic Beasts 3 të vijë në 12 nëntor të 2021. Filmi fillimisht supozohet të vinte në 2020n, por WB e shtyur deri në 2021 për t’i dhënë ekipit krijues më shumë kohë për ta perfeksionuar filmin. Coronavirus gjithsesi ka lënë impaktin e saj, pasi produksioni i filmit është vonuar. WB ende nuk ka njoftuar gjë për shtyrjen e datës, pasi e gjitha është në varësi se sa do të zgjasë kjo pandemi.
Dungeons & Dragons – 19 nëntor
Dungeons and Dragons është programuar të vijë në ekrane në 19 nëntor të 2021. Loja e famshme role-playing po adaptohet nga regjizorët e GameNight, John Francis Daley dhe Johanathan Goldstein. Filmi ende nuk ka anëtarë të kastit dhe ende nuk dihet se kur do të fillojë me produksionin. Gjithsesi ka patur raportime se mund të vonohet për shkak të coronavirus.
Avatar 2 – 17 dhjetor
Pritja e gjatë për Avatar 2 do të marrë fund kur filmi të vijë në kinema në 17 dhjetor të 2021. James Cameron ka qenë duke punuar me katër vazhdimet e Avatar për thuajse një dekadë tashmë dhe plani është që Disney ta publikojë filmin vitin e ardhshëm. Duket se Avatar 2 nuk do të ketë vonesa.