Ka mundësi që Anthem të bëhet falas së shpejti

Një burim anonim thotë se BioWare dhe EA po mendojnë ta bëjnë lojën falas.

Sipas një thashethemi , BioWare dhe EA po mendojnë ta bëjnë Anthem falas në të ardhmen e afërt, duke e sjellë në EA Access. Kjo do të thotë për ata që janë subscribed në këtë shërbim do e marrin lojën falas. Kur marrim parasysh historinë e Anthem dhe rënien e vazhdueshme të lojtarëve, kjo duket si diçka e mundur.

Një burim anonim i afërt me BioWare dhe EA është ai që e ka thënë të gjithë këtë. Sipas tij BioWare beson se duhet fajësuar e gjithë kontradita dhe ekspozimi i keq i lojës për shitjet e dobëta të saj. Krahas kësaj pak faj ka dhe EA që publikoi lojën më herët se ç’duhej.

E gjithë ideja që burimi është anonim e bën këtë jo fort të besueshme. Gjithsesi nëse Anthem do të bëhet vërtet falas, vendi i vetëm ku mund të njoftohet kjo do të ishte në E3.

Anthem momentalisht është e disponueshme për PC, PS4 dhe Xbox One.