Ka informacione se një hartë e re është në punime në Apex Legends

Një zhvillim mjaft i mirë në qoftë se do të ishte i vërtetë

Battle royale e Respawn Entertainment, Apex Legends, po kalon një periudhë të vështirë. Pas muajti të parë kolosal ku arriti 50 milionë shkarkime dhe duke thyer rekordet e shikueshmërisë në Twitch, loja tanimë ka hasur vështirësi në vazhdimin e rritjes.

Si lojtarët, ashtu edhe streamer-at kanë qënë në pritje të sezonit të parë të Apex Legends, por që prej lançimit të tij të martën, ai iu ka lënë një shije të hidhur lojtarëve. Battle pass-i e ka përçarë komunitetin dhe mungesa e përmbajtjes së re i ka shtyrë lojtarët të humbasin interesin e tyre për lojën.

Respawn është përpjekur të veprojë në të njëjtën mënyrë si Fortnite për këtë battle royale, duke shtuar rregullisht veçori dhe update të reja gjatë progresit të lojës, por disa ende mendojnë se kjo nuk është mjaftueshëm. Respawn deri më tani ka lançuar një battle pass, një personazh të ri të quajtur Octane dhe një numër armësh, por duket se diçka më e madhe ende pritet të vijë.

Dataminers kanë arritur të zbulojnë informacione mbi një hartë të re në Apex Legends. Këto informacione vijnë në formën e screenshot-eve, që përfshijnë dokumenta si “map_select_button” dhe “survival_map_selector”

Një “zgjedhës harte” sugjeron se Apex Legends ka 2 harta, gjë e cila nuk është e vërtetë momentalisht dhe një hartë survival është një tjetër veçori e cila mungon në versionin live të lojës së Respawn. Është e vështirë të mendosh se këto file janë diçka tjetër veçse një hartë e re.

Më herët, informacione të kësaj natyre kanë rezultuar të vërteta, por asgjë nuk është konfirmuar ende nga Respawn. Në këtë pikë, çdo gjë është spekulim dhe mund të jetë gjithçka një koinçidencë. Megjithatë, nuk iu duhet hequr aspak meritë këtyre informacioneve.