Dy muajt e parë të lançimit të Anthem kanë qenë të vështra. Lojtarët kanë patur pafund ankesa, por Chris Roberts, themeluesi i Cloud Imperium Games dhe regjizori pas Star Citizen është shprehur se sipar tij, Anthem ende mund të bëhet një lojë e shkëlqyer.
Roberts krahason zhvillimin e Star Citizen me atë të Anthem dhe thotë se të dyja lojërat i përkasin kategorisë së lojërave të mëdha online që kërkojnë vëmendje të vazhdueshme.
“Unë e kam luajtur Anthem, ndaj e di që ka shumë gjëra interesante në lojë, gjëra që funksionojnë. Natyrisht Anthem ka gabimet e eta, po i gjithë procesi i zhvillimit është i ngjashëm me atë që ne po bëjmë në Star Citizen. Vërtet shpresoj që EA dhe Bioware të mos heqin dorë nga ky projekt.”
Roberts e pranon faktin se ka disa lojër që janë totalisht të mbaruara dhe se nuk kanë më shpresë, por ai thjesht nuk beson se ky është rasti me Anthem. Në të njrjtën mënyrë si nuk ishte rasti me No Man’s Sky nga Hello Games, që i zhgënjeu lojtarët në lançim, por me kalimin e kohës arriti të ishte një lojë shumë e mirë.
“Një problem i Anthem është se paragjykohet nga prezenca e EA,” tha ai. “Njerëzit janë të predispozuar të mendojnë keq, kur diçka ka vulën e EA në të.”
Roberts gjithashtu përmendi edhe artikullin ekspozues të Jason Schreier mbi Anthem. Sipas tij ka shumë njerëz në BioWare që nuk ndajnë të njejtat mendime me pjesën e intervistuar.
Gjithsesi për mendimin tonë nëse Anthem do të bëhet një lojë e mirë më vonë ose jo është një çështje komplet tjetër. Faktet janë që Anthem ka dështuar. Realisht edhe ne shpresojmë që në të ardhmen të arrijë të lulëzojë, por kështu siç janë gjërat tani, nuk shohim shumë dritë në fund të tynelit.