Ky version i lojës është në zhvillim e sipër
Ky version i lojës është në zhvillim e sipër
Nuk mund të mos e pranojmë që deri tani, Apex Legends ka qenë një nga sukseset më të mëdha të 2019s, me një numër prej mbi 50 milion lojtarëve brenda një periudhe shumë të shkurtër kohore. Gjithsesi pas bum-it të madh që pati loja u harrua pak. Si duket për ti kujtuar të gjithë për ekzistencën e Apex Legends, EA tha se po pregatitet për versionin mobile të lojës.
Kjo ndodhi në publikimin e të dhënave financiare për tre-mujorin e parë të këtij viti. Aty mund të gjendeshin edhe disa informacione interesante rreth Apex Legends. Momentalisht kompania është në negocime e sipër për ta çuar lojën në Kore dhe Kinë dhe gjithashtu skuadra e zhvillimit po pregatitet për ta transferuar lojën në smartphone-a.
Kompania gjithashtu theksoi se Apex Legends është klasifikuar si loja me rritjen më të shpejtë, me mbi 50 milionë përdorues në 2 muaj. Gjë që tingëllon fantastike në fakt, por nëse do tregohesh realist do kuptosh se loja ka rënë goxha që nga pika e saj fillestare. Kryesisht për pjesën se njerëzit kishin krijuar pritshmëri shumë më të larta se ç’duhej për lojën.
Apex Legends është e disponueshme për PS4, Xbox One, PC dhe së shpejti në mobile. Sjellja e saj në mobile padyshim që do të ketë një impakt pozitiv. Tani thjesht mbetet që EA deh Respawn të japin më shumë informacione konkrete rreth saj.