Mbështesni GameON Albania duke përdorur kodin support-a-creator: GAMEONALBANIA
Po kerkoni për diamante në Free Fire Falas?! Klikoni këtu për të marrë pjesë në Giveaway për Free Fire Diamonds
Kjo ka qenë një javë shumë e zënë për Epic Games Store duhet ta pranojmë. Mbi të gjitha pasi u njoftua se zhvilluesi i Rocket League, Psyonix do të kalonte te Epic dhe se loja do të vinte më vonë në dyqanin e tij. Pra Epic vazhdon ta sfidojë Steam pa iu dridhur fare qepalla.
Gjithsesi një gjë që na pëlqen të gjithëve të Epic Store është sasia masive e qyl-llëkut që marrim çdo dy javë me ato lojërat falas. Dmth ndoshta është edhe geni im shqiptar që po flet në këto momente, por seriozisht këto lojërat falas të Epic e kanë bërë dyqanin të jetë goxha i simpatizuar.
Ka ardhur rrjedhimisht koha për lojën tjetër falas të Epic. Flasim këtu për World of Goo, e cila do të zerë vendin e Transistor si giveaway i rradhës. Duke filluar që sot e deri me datë 16 maj, mund ta shkarkoni falas lojën.
Nëse nuk e dini deri në këtë pikë, gjithçka që iu duhet për ta marrë është të krijoni një account në Epic Store, që gjithashtu është falas. Nuk ka shumë komplikime sinqerisht. Thjesht merrni të mirat që iu ofron jeta sa jeni në kohë.
Shikoni trailerin e lojës më poshtë për të vendosur a ju ngjit apo jo. Nëse nuk e gjeni shumë veten në këtë lojë, një tjetër lojë falas do të vijë këtë muaj. Do të jetë Stories Untold dhe do të jetë pak a shumë ajo që do i zerë vendin World of Goo pasi të mbarojë dy-javëshin e saj. Gjithsesi kthehuni te videoja më mirë sepse Stories Untold do të ketë artikullin e saj kur ti vijë koha.
