Ju duhen $6000 për të luajtur FIFA profesionalisht

Lojtarët profesionistë të FIFA janë ankuar për rregullat e reja të FIFA 20 Esports

FIFA është një prej lojërave më popullore në botë dhe i lejon lojtarët të luajnë futboll në mënyra dhe mode nga më të ndryshme dhe të jetojnë ëndrrën e tyre si futbollistë në një fushë virtuale.

Një prej këtyre mode është Ultimate Team, që i lejon lojtarët të krijojnë skuadrën e tyre dhe është gjithashtu pjesë e FIFA Esports, duke i bërë ata që duan të jenë të suksesshëm në lojë në nivel kompetitiv të harxhojnë para të vërteta duke blerë pako për të marrë letrat më të mira.

Në 30 tetor, EA Sports dhe FIFA 20 zbuluan rregullat e reja për Global Series Qualifiers, që të detyrojnë që overall rating i ekipit të jetë 86 ose më i ulët, por duhet të keni të paktën tre lojtarë ICON, ndërkohë që lojtarët nuk duhet të kenë një rating më të ulët se 75.

Sipas BorasLegend, këto rregulla i lejojnë lojtarët të kenë ekipe që kushtojnë rreth 20 milionë FIFA Coins, të cilat janë rreth $6000 në jetë të vërtetë, ndërkohë që këto rregulla nuk ekzistonin në lojën e kaluar

Ai më pas dha një ide më të qartë të ekipit që duhet për të luajtur në mënyrë kompetitive, me letra ICON të Ronaldo, Eusebio dhe Ruud Gullit, si dhe Lionel Messi, Neymar dhe lojtarë të tjerë mjaft të mirë.

Ekipi kushton rreth 20.8 milionë Coins, ndërkohë që BorasLegend sugjeron se çmimi do të vazhdojë të rritet ndërkohë që lojtarët shpresojnë të luajnë në turnamente kompetitive tentojnë t’i blejnë këto letra në lojë.

Në qoftë se lojtarët kalojnë kualifikueset dhe futen në FUT Champions Cup, fituesi do të fitonte $50,000 nga çmimi i madh, por çdo lojtar i cili përfundon më poshtë se vendi i tetë do të dilte me humbje nëse do të shpenzonte $6000 të llogaritura, pasi fitimet janë vetëm $3500.

EA Sports ende nuk ka dhënë një deklaratë mbi këtë situatë.